ՎԱՐԱԳԱՅ ՎԱՆՔԸ` ԱՒԵՐՄԱՆ ՎՏԱՆԳԻՆ ԵԶՐԻՆ

0

«Վան փոսթասը» թերթը հաղորդած է, որ Վանի կարեւոր պատմական արժէքներէն մէկը համարուող Վարագայ վանքը չէ պահպանուած, որուն պատճառով ալ վանքի կանգուն մնացած հատուածներն ալ աւերման վտանգի տակ կը գտնուին: Այս մասին :
8-11-րդ դարերուն կառուցուած պատմական Վարագայ վանքը Վարագայ լերան փէշերուն կը գտնուի: Ժամանակի ընթացքին քանդուող պատմական եկեղեցւոյ գմբէթը 2011-ի երկրաշարժին պատճառով քանդուած էր:
Յօդուածին մէջ մասնաւորապէս կ՛ըսուի․«Երբ զբօսաշրջիկները պատմական եկեղեցւոյ հին նկարներուն կը նային ու զայն կը համեմատեն իրենց հանդիպած տեսարանին հետ, կը ցնցուին: Բացի հատ ու կենտ կանգուն պատերու մնացորդներէն, այլ կանգուն հատուած չէ մնացած: Պատմական կառոյցին մէջ մզկիթի ու մզկիթի զուգարանի մը գոյութիւնը զարմանք կը յառաջացնէ զբօսաշրջիկներուն մօտ: Կանգուն մնացած հատուածներու բանալիները գիւղի իմամին մօտ են, իսկ պատմական կառոյցին պատկանող քարերը, գիւղացիները կ՛օգտագործեն տուներու ու պարտէզներու կառուցման համար՝ ցոյց տալով եկեղեցւոյ ամենաթող վիճակը: Այցելուները ակնարկած են , որ եթէ եկեղեցին իր նախկին տեսքը պահպանէր, գիւղի ու շրջակայքի ճակատագիրը կրնար փոխուիլ»:
Ըստ յօդուածագիրին, նախորդ տարիներուն եկեղեցւոյ վերանորոգման նախագիծը օրակարգի վրայ էր եւ անոր մէջ կառուցուած մզկիթը քանդելու, մէկ այլ յարմար վայրի մէջ նորը կառուցելու նախագիծը կար, սակայն մինչեւ այսօր որեւէ յստակ քայլ չէ առնուած, յոյս ալ չկայ, որ կը կատարուի:

Share.

Leave A Reply

This site uses Akismet to reduce spam. Learn how your comment data is processed.