ՀԱՅԱՍՏԱՆ ՀԱՄԱՀԱՅԿԱԿԱՆ ՀԻՄՆԱԴՐԱՄԻ ԹԵԼԵԹՈՆԸ ՊԻՏԻ ԳՈՐԾԱԴՐՈՒԻ ՆՈՐ ԵՒ ԱՌԱՒԵԼ ՀԵՏԱՔՐՔԻՐ ՁԵՒԱՉԱՓՈՎ

0

«Ասպարէզ» կը հաղորդէ, որ Հայաստան համահայկական հիմնադրամը յայտարարեց, թէ «Ժամանակ» օրաթերթին մէջ տպագրուած յօդուածը՝ ըստ որուն հիմնադրամի ամէնամեայ թելեթոնը այս տարի տեղի պիտի չունենայ, չի համապատասխաներ իրականութեան:

Հիմնադրամին ախշատակազմը այս հանգրուանին  թելեթոնի ստեղծագործական լուծումներուն վրայ կ՛աշխատի:

Հիմնադրամի մամլոյ ծառայութեան հրապարակած հաղորդագրութեան մէջ կ՛ըսուի հետեւեալը. «Դրական է, որ Հայաստան համահայկական հիմնադրամի սկսած փոփոխութիւնները ուշադրութեան կեդրոնին մէջ մնալ կը շարունակեն: Այդ փոփոխութիւններու շնորհիւ ամէնամեայ հեռուստամարաթոնը  նոր ու աւելի հետաքրքիր ձեւաչափով տեղի պիտի ունենայ, որպէսզի համասփիւռ հայութիւնը առաւել մեծ աշխուժութեամբ ներգրաւուի Հայաստանի Հանրապետութեան եւ Արցախի Հանրապետութեան զարգացման ծրագիրներուն:

Հետեւաբար, կը յայտարարենք, որ «Ժամանակ» օրաթերթի 12. 04. 2019թ. -ին տպագրուած յօդուածը, ըստ որուն Հայաստան համահայկական հիմնադրամի ամէնամեայ հեռուստամարաթոնը այս տարի ընդհանրապէս պիտի չկատարուի, չի համապատասխաներ իրականութեան: Հիմնադրամի խումբը այժմ հեռուստամարաթոնի ստեղծագործական լուծումներու վրայ կ’աշխատի:

Հիմնադրամի Լոս Անճըլըսի գործադիր գրասենեակի ս. թ. Փետրուարի սկիզբը տեղի ունեցած աշխատողներու փոփոխութիւնները գրասենեակային ծախսերը կրճատելու եւ կառավարման արդիւնաւէտութիւնը բարձրացնելու հանգամանքով կատարուած են: Այդ փոփոխութիւնները միայն գրասենեակի ներուժը կ’ուժեղացնեն եւ ն Հիմնադրամի նոր գործելաոճի նկատմամբ վստահութիւն կը բարձրացնեն:

Հիմնադրամը մշակած է նոր ռազմավարութիւն, որ  Հիմնադրամ-ՀՀ կառավարութիւն-տեղական ինքնակառավարման մարմիններ յարաբերութիւնները աւելի  պիտի ընդլայնուին: Հայաստանի նոր իշխանութեան հետ գործակցութիւնը ալ աւելի  պիտի զարգացնենք ու խորացնենք: ՀՀ նախագահը, ՀՀ վարչապետը եւ  շարք մը նախարարներ Հիմնադրամի հոգաբարձուներու խորհուրդի կազմին մէջ են, նախագահ Ա. Սարգսեանն ու վարչապետ Ն. Փաշինեանը անձամբ Հիմնադրամի գործունէութիւնն ու ծրագրերը կը սատարեն: Հետեւաբար, նոր իշխանութիւններու հետ «վատ յարաբերութիւններ» ունենալու բոլոր լուրերը կեղծ են:

Հայաստան համահայկական հիմնադրամը հասարակութեան լայն զանգուածներուն շուտով համապարփակ տեղեկութիւն կը տրամադրէ տեղի ունեցած փոփոխութիւներու եւ առաջիկայ ծրագրերու մասին»

Share.

Leave A Reply

This site uses Akismet to reduce spam. Learn how your comment data is processed.