ՊԱՏԱՆԵԿԱՆ ՄԻՈՒԹԵԱՆ ԳԱՄԻՇԼԻԻ «ԶԱՒԱՐԵԱՆ» ՄԱՍՆԱՃԻՒՂԸ ՇՔԵՂ ՏՕՆԱԿԱՏԱՐՈՒԹԵԱՄԲ ՅԻՇԱՏԱԿԵՑ ՊԱՏԱՆԻԻ ՕՐԸ

0

Կիրակի, 7 Ապրիլ 2019-ի երեկոյեան ժամը 6:00-ին, Գամիշլիի «Կիւլպէնկեան» սրահէն ներս տեղի ունեցաւ Պատանիի օրուան նուիրուած հանդիսութիւնը։

Ձեռնարկը կը հովանաւորէր Ճեզիրէի Հայոց Առաջնորդական Փոխանորդ Հոգշ. Տ.Ռուբէն Աբղ.Նալպանտեան, կազմակերպուած էր Սուրիոյ Պատանեկան Միութեան «Զաւարեան» Մասնաճիւղի վարիչ եւ դաստիարակ կազմին կողմէ։
Հանդիսութեան ներկայ էին՝ Պատկան Մարմինի, ազգային մարմիններու եւ միութիւններու ներկայացուցիչներ եւ պատանիներու ծնողներ։

Բացումէն անմիջապէս ետք, հանդիսականները մէկ վայրկեան յոտնկայս յարգեցին անմահ նահատակներուն յիշատակը.որմէ ետք պատանեկան երգչախումբը երգեց Սուրիոյ եւ Հայաստանի քայլերգները։

Բացման խօսքով հանդէս եկաւ մասնաճիւղի վարիչ կազմէն Նայիրի Խաչատուրեան-Թէօքմէճեան որ նախ պատմական ակնարկով մը անդրադարձաւ Սուրիոյ Պատանեկան Միութեան հիմնադրութեան եւ ներկայիս գործող մասնաճիւղերուն, ինչպէս նաեւ միութեան առաքելութեան ու նպատակին շեշտելով որ .«Անթիւ ու անհամար սերունդներ պատրաստուեցան եւ կը շարունակեն պատրաստուիլ Սուրիոյ Պատանեկան Միութեան երդիքին ներքեւ. մեր ապագայ ղեկավարները, դաստիարակները, գործիչներն ու հերոսները, որոնք գիտեն խօսքն ու գործը միացնել ու յառաջ երթալ։ Այս միութիւնը ունի ընկերային ջերմ կեանք, ուր կը տիրեն անկեղծութիւնն ու հարազատութիւնը, յարգանքն ու զոհողութեան ոգին»։
Գեղարուեստական յայտագիրով լուսարձակի տակ առնուեցաւ Հ.Յ.Դ.Պատմութեան յատկանշական դրուագներն ու դէմքերը՝ թատերական ներկայացումով։ Պատանիները իւրայատուկ ոճով հմայիչ կատարումով ներկայացուցին Սերոբ Աղբիւրի նահատակութիւնը, Պանք Օթօմանի, Լիզպոնի հերոսներն ու Արցախեան հերոսամարտը՝ խորապէս ոգեւորելով ներկաները։
Ազգային-յեղափոխակսն երգերով ելոյթ ունեցաւ Պատանեկան երգչախումբը, երգեհոնի ընկերակցութեամբ Քրիստ Միքայէլեանի, ապա ներկայ պատա իները արտադանեցին հայ պատանիին խոստումը, կնքահայր ունենալով ընկ. Ղուկաս Դարբինեանը։
Հուսկ հոգշ. հայր սուրբը իր հայրական օրհնութիւն ու մաղթանքները ուղղեց, շեշտելով երեք գլխաւոր կէտեր՝ ծառայութիւն հաւատարմութիւն եւ փոխադարձ յարգանք, որոնք հայ պատանիին անհատականութիւնը կը կազմաւորեն։
Հանդիսութիւնը աւարտին հասաւ ՀՅԴ քայլերգով եւ «Պահպանիչ» աղօթքով։

Բժշկհ. Մարի Մելքոն

Share.

Leave A Reply

This site uses Akismet to reduce spam. Learn how your comment data is processed.