ՄՈՆԹՐԷԱԼԻ ՔԱՂԱՔԱՊԵՏՈՒԹԻՒՆԸ 24 ԱՊՐԻԼ 2019-Ը ՀԱՅՈՑ ՑԵՂԱՍՊԱՆՈՒԹԵԱՆ ՅԻՇԱՏԱԿՄԱՆ ՕՐ ՀՌՉԱԿԵՑ

0


«Հորիզոն».-15 Ապրիլ 2019-ին Մոնթրէալի քաղաքապետարանը յատուկ նիստի մը ընթացքին հրապարակեց յայտարարութիւն մը Հայոց ցեղասպանութեան 104-ամեակի յիշատակման օրուան առնչութեամբ, որուն մէջ կը նշուի, թէ 1915-1916 թուականներուն տեղի ունեցած Հայոց Ցեղասպանութիւնը 20-րդ դարու առաջին ցեղասպանութիւնն էր, որուն զոհ գացին հայ ժողովուրդին երկու երրորդը: Վերոնշեալ նիստին ներկայ էին Մոնթրէալի Հայ Դատի Յանձնախումբի պատուիրակութիւնը եւ Գանատայի  ՀՀ հիւղատոս պրն. Արա Մկրտչեան։

Յայտարարութեան մէջ կը յիշուի, թէ 1997 թուականէն սկսեալ Մոնթրէալի քաղաքապետարանը ամէն տարի վաւերացուցած է բանաձեւ մը, որոնց մէջ դատապարտած է մէկուկէս միլիոն հայերու տեղահանութիւնը, ջարդը եւ վերապրողներու խզումը իրենց պապենական հողերէն: Մինչ 28 Նոյեմբեր 2003-ին Քեպէգի քաղաքապետարանը 24 Ապրիլը այնուհետեւ յայտարարեց Հայոց Ցեղասպանութեան յիշատակման օր:

Նշեալ յայտարարութեան մէջ կը յիշատակուի նաեւ, թէ Մոնթրէալի մէջ կը բնակին 50 000 հայեր, որոնք, որպէս հայ համայնք, իրենց մասնակցութիւնը կը բերեն քաղաքի մշակութային, տնտեսական, ընկերային եւ քաղաքական կեանքին:

Ահունցիք-Քարթիէրվիլ շրջանի քաղաքապետ Էմիլի Թուիէի առաջարկով եւ Մոնթրէալի քաղաքապետ Վալերի Փլանթի վաւերացումով 24 Ապրիլ 2019-ը որպէս Մոնթրէալի մէջ Հայոց Ցեղասպանութեան յիշատակման օր կը յայտարարուի եւ կոչ կ՚ուղղուի մոնթրէալցիներուն՝ յարգանքի տուրք մատուցել Ցեղասպանութեան զոհերուն՝ հաստատելու համար մոնթրէալցիներուն համերաշխութիւնը հայ ժողովուրդին հետ:

Share.

Leave A Reply

This site uses Akismet to reduce spam. Learn how your comment data is processed.