ՆԱԽԱԳԱՀ ՍԱՐԳՍԵԱՆ ՑԱՒԱԿՑԱԿԱՆ ՀԵՌԱԳԻՐ ՅՂԱԾ Է ՄԱՔՐՈՆԻՆ

0

Հայաստանի Հանրապետութեան նախագահի աշխատակազմի հասարակութեան հետ կապերու վարչութիւնը կը տեղեկացնէ, որ  Փարիզի, ինչպէս նաեւ ամբողջ աշխարհի քրիստոնէական խորհրդանիշերէն եւ ճարտարապետական գլուխ-գործոցներէն մէկուն` Աստուածամօր տաճարին մէջ պատահած հրդեհին համար, Հայաստանի Հանրապետութեան նախագահ Արմէն Սարգսեան ցաւակցական հեռագիր յղած է Ֆրանսայի Հանրապետութեան նախագահ Էմանուէլ Մաքրոնին:

 «Փարիզի Աստուածամօր տաճարը, ուր պահուող գանձերն ու արուեստի ստեղծագործութիւնները չափազանց արժէքաւոր են, միշտ կանգուն եղած է` վեհօրէն խորհրդանշելով ֆրանսացի ժողովուրդին հարուստ մշակութային ժառանգութիւնը: Իմ կարեկցանքը կը յայտնեմ բարեկամ ֆրանսացիներուն` կիսելով անոնց զգացումները», յիշուած է նախագահ Արմէն Սարգսեանի ցաւակցական ուղերձին մէջ:

Share.

Leave A Reply

This site uses Akismet to reduce spam. Learn how your comment data is processed.