ԹՐՔԱԿԱՆ ՄԱՄՈՒԼԻՆ ԱՐՁԱԳԱՆԳԸ. ԹՈՒՐՔԻԱՆ ԿԸ ՑՆԾԱՅ ՆՈԹՐ ՏԱՄԻ ՄՈԽԻՐՆԵՐՈՒՆ ՎՐԱՅ

0


 «Երկիր».- ֆրանսայի մայրաքաղաք Փարիզի Աստուածամօր տաճարին մէջ բռնկած հրդեհին լուրը թրքական մամուլին եւ թուրք օգտատէրերուն շրջանակին մէջ մեծ արձագանգ գտած է: «Yeni akit» թերթը տաճարի հրդեհին առնչուող նիւթը կը սկսի այսպէս. «Այսպէս կոչուած Հայոց Ցեղասպանութիւնը ճանչցած ֆրանսայի մայրաքաղաք Փարիզի մէջ գտնուող Աստուածամօր տաճարին մէջ հրդեհ բռնկած է»: Թերթը կ’ակնարկէ, որ ֆրանսայի նախագահ էմանուէլ Մաքրոն 24 Ապրիլը Հայոց Ցեղասպանութեան զոհերու յիշատակման օր յայտարարած է: «Yeni akit» թերթէն, որ Թուրքիոյ հեղինակաւոր լրատուամիջոցներէն մէկը կը համարուի եւ ծայրայեղ իսլամամէտ ուղղուածութիւն ունի, բազմաթիւ այլ լրատուամիջոցներ յղում կատարած են, կը յայտնէ «Երկիր»ը: Թրքական ընկերային ցանցերու օգտատէրերէն շատերը եւս տաճարի հրդեհին ծայրայեղօրէն արձագանգած են: Ոմանք գրած են, որ այս պատահարը պատիժ է Եւրոպային` Նոր Զելանտայի ահաբեկչութեան ու իսլամներու այլ սպանութիւններուն համարժէք պատասխան չտալուն համար, ոմանք յիշած են, որ Ալլահի պատիժն է Հայոց Ցեղասպանութեան մասին Ֆրանսայի դիրքորոշումին համար` կոչ ուղղելով ֆրանսացիներուն դիմելու իրենց բարեկամ հայերուն օգնութեան համար:

Share.

Leave A Reply

This site uses Akismet to reduce spam. Learn how your comment data is processed.