ԱՐՑԱԽԻ ՄԷՋ «ԻՄ ՄԵԾ ԸՆՏԱՆԻՔԸ » ԽՈՐԱԳԻՐԸ ԿՐՈՂ ՄՐՑՈՅԹ ՍԿՍԱԾ Է

0

«Երկիր» կը հաղորդէ, որ «Արցախի Մարդիկ» (Humans of Artsakh) նախաձեռնութիւնը մայիսեան եռատօնին ընդառաջ «Իմ մեծ ընտանիքը» խորագիրով նոր նախագիծ-մրցոյթ սկսած է:   «Humans of Artsakhէ» նախաձեռնութեան  անդամ  Նատելլա   Դանիէլեան  յայտնած է, որ    նախագիծին  նպատակն  է  անգամ  մը եւս վերարժեւորել  հայկական  ընտանիքը, որ կարեւոր   դերակատարութիւն  ունի  պետութեան,      հասարակութեան  զարգացման,  ինչպէս  նաեւ  հայրենադարձման գործընթացին մէջ:

Ըստ   Ն.  Դանիէլեանի`    ֆեյսպուքեան  նախաձեռնութեան  հեղինակը  Աշոտ  Մարգարեանն է. «Humans of Artsakh»ը  2014-ին ստեղծուած է: Նախագիծին  մասնակցելու  համար  անհրաժեշտ  է  մինչեւ  30 Ապրիլ  «Humans of Artsakh»   ֆեյսպուքեան    էջին համառօտ  նկարագրութեամբ հայկական  մեծ ընտանիքի   մը լուսանկարը առաքել: Լուսանկարները  բարձրորակ պէտք  է  ըլլան,  պէտք  է նկարուած  ըլլան  2014-էն`  այսինքն նախաձեռնութեան  հիմնադրման տարեթիւէն ետք:

Ն.  Դանիէլեան ըսաւ, որ «Մրցոյթին լաւագոյնը կը հանդիսանայ այն լուսանկարը, որ     ամենաշատ   հաւանութիւններն  ու  մեկնաբանութիւնները կ’ունենայ: Լաւագոյն  երեք   յաղթողները   նախաձեռնութեան  գործընկեր  «Woodpeckers Wood  Toys» ընկերութեան   կողմէն  յատուկ  մրցանակի կ’արժանանան:  Մրցանակներու   յանձնման  արարողութիւնը  տեղի պիտի ունենայ  խորհրդանշական  վայրի մը մէջ»:

Share.

Leave A Reply

This site uses Akismet to reduce spam. Learn how your comment data is processed.