ԱՏՐՊԷՅՃԱՆ ՊԱՏՐԱՍՏ Է ԸՆԴՈՒՆԵԼՈՒ ՀԱՅ ԼՐԱԳՐՈՂՆԵՐԸ

0

«Երկիր».-Ատրպէյճանի Արտաքին Գործոց Նախարարութիւնը մեկնաբանած է 15 Ապրիլին տեղի ունեցած Հայաստանի, Ատրպէյճանի եւ Ռուսիոյ Արտաքին Գործոց նախարարներուն ու ԵԱՀԿ Մինսքի համանախագահներուն հանդիպումէն ետք հրապարակուած միատեղ յայտարարութեան դրոյթներէն մէկը, որուն համաձայն, կողմերը համաձայնած են սկսիլ գործնական աշխատանք հայ եւ ատրպէյճանցի ժողովուրդներուն միջեւ շփումներ հաստատելու համար, զանգուածային լրատուամիջոցներու ներկայացուցիչներուն փոխադարձ այցելութիւնները եւս քաջալերելով:

Minval.az-ը, յղում կատարելով «Քոմերսանթ»ին յայտնած է, որ Ատրպէյճանի Արտաքին Գործոց Նախարարութեան մամլոյ խօսնակ Լէյլա Ապտուլայեւա յայտարարած է, որ Պաքու հայ լրագրողներ ընդունելու պատրաստ է: Ապտուլայեւա դիտել տուած է .«Պաքու միշտ տրամադիր է ստեղծելու պայմաններ, որոնք Ատրպէյճանի եւ Հայաստանի հասարակութիւններուն միջեւ յարաբերական փոխըմբռնման մթնոլորտի ստեղծման եւ ամրապնդման կը նպաստեն»:

Share.

Leave A Reply

This site uses Akismet to reduce spam. Learn how your comment data is processed.