ԹՈՒՐՔ ՊԱՏԳԱՄԱՒՈՐ. «ՔՈՆԿՐԷՍԻՆ ՄԷՋ ՊԵՏՔ Է ՀԱՅԿԱԿԱՆ ՕՐԻՆԱԳԻԾԸ ԱՐԳԵԼԱՓԱԿԵԼ. ԱՅՍ ՏԱՐԻ ԿԱՑՈՒԹԻՒՆԸ ԼՈՒՐՋ Է»

0

«Էրմէնիհապէր» ի համաձայն, Արտահանի շրջանէն Թուրքիոյ խորհրդարանի պատգամաւոր Օզթուրք Եըլմազ Միացեալ Նահանգներու Ներկայացուցիչներու տան եւ Ծերակոյտին ներկայացուած Հայոց Ցեղասպանութեան առնչուող բանաձեւերուն մասին մամլոյ ասուլիս մը տուած է:

Խորհրդարանին մէջ տեղի ունեցած ասուլիսին ընթացքին Եըլմազ յայտարարած է, որ Թուրքիոյ կառավարութիւնը պէտք է անյապաղ միջոցներու ձեռնարկէ՝ Ցեղասպանութիւնը ճանչցող բանաձեւերու քննարկումը արգիլելու եւ անոնց վաւերացման ջանքերը ձախողութեան մատնելու համար:

Թուրք պատգամաւորը յայտնած է, որ Ֆրանսայի ու Իտալիոյ մէջ Ցեղասպանութեան հարցով տեղի ունեցած զարգացումներէն ետք՝ հաւանականութիւն կայ, որ ամերիկեան Քոնկրէսին մէջ բանաձեւներ վաւերացուին՝ յիշեցնելով, որ աւելի ուշ նմանատիպ բանաձեւ նոյնպէս ներկայացուած էր, սակայն յաջողութեամբ  արգելափակուած էր:

Ըստ Եըլմազի` բանաձեւերու ընդունման պարագային ԱՄՆ-ը «Այսպէս կոչուած Հայոց Ցեղասպանութիւնը պաշտօնապէս որպէս ցեղասպանութիւն կը ճանչնայ»,  որմէ ետք ժխտողներուն հետ գործակցութիւնը կը դադրեցնէ ու երկրին ուսումնական հաստատութիւններուն մէջ այդ թեմայով դասեր կ’աւելցնէ:

Թուրք պատգամաւորը կառավարութեան կոչ ուղղած է  ամէն ձեւով խոչընդոտելու այդ գործընթացը. «Այս տարի իրավիճակը լուրջ է եւ տարբեր է նախորդ տարիներէն, քանի որ «Էս. 400»ներու, Սուրիոյ ու Կիւլէնի ղեկավարած կազմակերպութեան գծով Ամերիկայի հետ տարբեր ուղղութիւններով կը շարժինք: Քոնկրէսէն ներս Թուրքիոյ մասին բացասական մթնոլորտ կը տիրէ: S-400-ներու նիւթը ճգնաժամի վերածած ԱՄՆ-ի որոշ ղեկավար շրջանակներ 24 Ապրիլին այսպէս կոչուած Հայոց Ցեղասպանութիւնը Թուրքիոյ օրակարգին կը ցանկան բերել ու այս նիւթին միջոցով Թուրքիոյ դարպասին կոլ դնել»:

Share.

Leave A Reply

This site uses Akismet to reduce spam. Learn how your comment data is processed.