ԵԳԻՊՏԱՑԻ ՊԱՏԳԱՄԱՒՈՐ. ԵԳԻՊՏՈՍԻ ՀԱՅԵՐԸ ՄՇՏԱՊԷՍ ՕՐԻՆԱՊԱՇՏ ՔԱՂԱՔԱՑԻՆԵՐ ԵՂԱԾ ԵՆ

0

«Երկիր» կը հաղորդէ, որ 17 Ապրիլին Եգիպտոսի ՀՀ դեսպան Կարէն Գրիգորեան Եգիպտոսի Արաբական Հանրապետութեան Ներկայացուցիչներուպալատի արտաքին յարաբերութիւններու մշտական յանձնաժողովի նախագահ Քարիմ Տարուիշի (Karim Abdel Darvish) հետ հանդիպում ունեցած է:

Քարիմ Տարուիշ Կարէն Գրիգորեանը Եգիպտոսի ՀՀ դեսպանի պաշտօնը ստանձնելու առիթով շնորհաւորած է եւ յայտնած Եգիպտոսի հայ համայնքի կարեւոր դերը երկու բարեկամ երկիրներու յարաբերութիւնները ամրապնդելու իմաստով: Արտաքին յարաբերութիւններու մշտական յանձնաժողովի նախագահը յայտնած է նաեւ, որ անձնապէս մեծ համակրանք ունի հայ ժողովուրդին նկատմամբ եւ անոր պատմութեան ծանօթ է: 

Շնորհակալութիւն յայտնելով ընդունելութեան համար, դեսպան Գրիգորեան դիտել տուած է, որ Եգիպտոսը եւ եգիպտացիները հայ ժողովուրդին պատմութեան ամենացաւալի ժամանակաշրջանին օգնութեան ձեռք  մեկնած են, հիւրընկալելով Ցեղասպանութիւնէն  մազապուրծ եղած հազարաւոր հայերը: Հայաստան երբեք չի մոռնար այս բարիքը: Ան աւելցուց, որ Եգիպտոսի հայերը մշտապէս իրենք զիրենք օրինապաշտ քաղաքացիներ սեպած են՝ մեծ ներդրում ունենալով Եգիպտոսի հասարակական եւ մշակութային կեանքէն ներս:

Անդրադառնալով երկու երկիրներու խորհրդարաններուն միջեւ գործակցութեան խորացման, դեսպան Գրիգորեանն ու Քարիմ Տարուիշը համապատասխան բարեկամութեան խումբերու սերտ գործակցութիւնը կարեւոր համարած են:

Share.

Leave A Reply

This site uses Akismet to reduce spam. Learn how your comment data is processed.