ՍՈՒՐԻԱ-ԽՐԻՄ ՏՆՏԵՍԱԿԱՆ ՅԱՐԱԲԵՐՈՒԹԻՒՆՆԵՐՈՒ ԶԱՐԳԱՑՈՒՄ

0

Սուրիոյ տնտեսութեան եւ արտաքին առեւտուրի նախարար դոկտ. Մուհամմէտ Սամէր ալ Խալիլ յայտնեց, որ Եալթայի համաժողովը Սուրիոյ եւ Խրիմի միջեւ բազմաթիւ համաձայնութիւններու կնքումի առիթ հանդիսացաւ։
Խալիլ “Սփութնիկ” լրատու գործակալութեան հետ ունեցած հարցազրոյցին ընթացքին ըսաւ. «Նախքան Խրիմի եւ Սուրիոյ միջեւ համաձայնութիւններու ստորագրումը, երկու կողմերուն միջեւ տեղի ունեցան իրարայաջորդ հանդիպումներ, անոնց կարեւորագոյնն էր Խրիմի նախագահ Օքսիոնովի Սուրիա այցելութիւնն ու նախագահ Պաշշար ալ Ասատին հետ ունեցած հանդիպումը, որ կարեւոր քայլ կը համարուէր երկու երկիրներուն յարաբերութիւնը ամրապնդելու իմաստով»։
Ան աւելցուց. «Կողմերը փոխըմբռնումի յուշագրեր ստորագրեցին տնտեսական եւ առեւտրական ոլորտներուն մէջ», շեշտելով, որ խորհրդակցութիւնները կեդրոնացած էին յատկապէս «Սուրիա-Խրիմ» առեւտուրի կեդրոն հիմնելու, երկու երկիրներուն միջեւ ապրանքներու փոխադրութիւնը դիւրացնելու, առեւտուրը զարգացնելու, ինչպէս նաեւ ծովային փոխադրութեան ընկերութիւն մը հիմնելու շուրջ։

Share.

Leave A Reply

This site uses Akismet to reduce spam. Learn how your comment data is processed.