ՀԱՅ ԴԱՏԻ ՅԱՆՁԱԽՈՒՄԲԸ ՀԱՅԱՍՏԱՆԻ ՄԷՋ ՔԱՆԱՏԱՅԻ ԴԵՍՊԱՆԱՏԱՆ ԳՈՐԾԱԿԱՏԱՐ ՏԻԿ. ԱՆԻՔ ԿՈՒԼԷԻ ՀԵՏ ՀԱՆԴԻՊՈՒՄ ՈՒՆԵՑԱՒ

0

«Հորիզոն».-3 Մայիսին Մոնթրէալի Հայ կեդրոնին մէջ յատուկ հանդիպում մը տեղի ունեցաւ Հայաստանի Հանրապետութեան Քանատայի դեսպանատան գործակատար տիկին Անիք Կուլէի եւ Քանատայի Հայ Դատի Յանձնախումբի պատուիրակութեան միջեւ։
Հանդիպման ընթացքին, արծարծուեցան Քանատա-Հայաստան յարաբերութիւններու եւ Հայաստանի մէջ ժողովրդավարութեան զարգացման աջակցելու հարցերը։ Յանձնախումբը նաեւ շեշտեց Հայաստանի մէջ քանատական դեսպանատան մը հաստատման անհրաժեշտութեան հարցը։
Տիկին Կուլէ այցելեց նաեւ «Հորիզոն»ի խմբագրատուն եւ ծանօթացաւ «Հորիզոն»ի աշխատանքներուն։
Հանդիպման կը մասնակցէին Քանատայի Հայ Դատի Յանձնախումբի ներկայացուցիչ Վաչէ Շամլեան, ՀՅԴ Բիւրոյի անդամ Ռաֆֆի Տօնապետեան, Հայ Դատի Յանձնախումբի Օթթաուայի գրասենեակի գործավար Սեւակ Պելեան եւ Քանատայի Արեւմտեան Շրջանի Հայ Դատի Յանձնախումբի ներկայացուցիչ Յակոբ Տէր Յակոբեան։

Share.

Leave A Reply

This site uses Akismet to reduce spam. Learn how your comment data is processed.