«Արմէնփրէս».- Ուքրանիոյ մարզի Քրոփիւնիցքի մարզական կեդրոնէն ներս կառուցուելիք հայկական եկեղեցին պիտի անուանակոչուի սրբադասուած Շուշանիկ թագուհիի անունով:
«Աշխատանքային հանդիպումի ընթացքին վանքի մանրակերտի մանրամասնութիւնները քննարկած են Հայ Առաքելական եկեղեցւոյ Ուքրանիոյ թեմի առաջնորդ Մարկոս Եպիսկոպոս Յովհաննիսեանն ու Քիրովոկրատի մարզի Ուքրանիոյ Հայերու Միութեան նախագահ Տիգրան Խաչատրեան:
Խաչատրեան յայտնած է, որ հայկական եկեղեցին կը դառնայ մշակութային տեսարժան վայր ոչ միայն հայերուն, այլ նաեւ ողջ Ուքրանիոյ համար:
Ապագայ վանական համալիրի նախագիծը հրապարակուած էր Փետրուար 2020-ին:
Քիրովոկրատի մարզի Քրոփիւնիցքի մարզական կեդրոնէն ներս առաջին հայկական եկեղեցին պիտի կառուցուի Ինկուլ գետի ափին: Հողատարածքը կը գտնուի Միխայլովսքի փողոցին մէջ, 1100 քառ. մ.», յիշուած է հաղորդագրութեան մէջ:
