«Արմէնփրէս».- ՀՀ Արտաքին Գործոց նախարար Զոհրապ Մնացականեան հարցազրոյց տուած է սպանական EFE լրատուական գործակալութեան, ուր անդրադարձած է Ռուսիոյ ու Եւրոպական Միութեան, Ատրպէյճանի ու Թուրքիոյ հետ Հայաստանի յարաբերութիւններուն:
««Հայաստանը Եւրոպա է, միեւոյն ժամանակ Ռուսիան մեր դաշնակիցն է», EFE-ին վստահեցուցած է ՀՀ արտաքին գործոց նախարար Զոհրապ Մնացականեան, որ կը խոստովանի, թէ այդ հաւասարակշռութիւնը շատ բարդ է որեւէ երկրի համար, սակայն կենսական է Հայաստանին` Ատրպէյճանը դիմակայող եւ Թուրքիոյ հետ թշնամութիւն ունեցող երկրի անվտանգութիւնը ապահովելու համար:
«Կ’ըսեն, որ մենք միաժամանակ երկու նժոյգ կը վարենք: Ո՛չ: Մենք կը վարենք մէկ նժոյգ` Հայաստանի նժոյգը», վստահեցուցած է նախարարը տեսաժողովի միջոցով տրուած հարցազրոյցի ընթացքին: