– Կիրակի առաւօտ Լաթաքիոյ մէջ տեղի ունեցաւ հեծելանիւի մարաթոն մը, ուր իրենց մասնակցութիւնը բերին հարիւրէ աւելի մարզիկներ:

– Անցեալ շաբթուան ընթացքին Սուրիոյ Ֆութպոլի Դաշնութիւնը կատարեց 2020-2021 տարեշրջանի Սուրիոյ Ա. դասակարգի մրցաշարքի վիճակահանումը:

– Սուրիոյ ֆութպոլի հաւաքականի մարզիչ Նապիլ Մաալուլ վերադարձաւ Դամասկոս, եւ յայտարարեց խաղացողներուն անունները, որոնք իրենց մասնակցութիւնը պիտի բերեն ուսումնամարզական հաւաքին, որ տեղի պիտի ունենայ Դամասկոս:  Նշենք որ Իմարաթի մէջ նախապէս որոշուած ուսումնամարզական հաւաքը չեղեալ եղաւ:

– Սուրիոյ ֆութպոլի հաւաքականի յարձակողական խաղացող Ումար Խուրէյպին ստացաւ առաջարկ մը Եգիպտոսի Զամալէք խումբէն, յառաջիկայ տարեշրջանին միանալու կազմին:

Ըմբշամարտի Եւրոպայի պատանեկան առաջնութեան փոխախոյեան Գեղամ Թորգոմեանը, որ ներկայիս մաս կը կազմէ  Հայաստանի ըմբշամարտի երէցներու  հաւաքականին, կամաւորագրուեցաւ եւ մեկնեցաւ Արցախ։ Այդ մասին պաշտօնապէս յայտարարեց  Հայաստանի ըմբշամարտի դաշնութեան դիմատետրի էջը: Մինչ այդ ֆետերասիոնը յայտարարած էր, որ ֆետերասիոնի անձնակազմը, մարզիչներն ու մարզիկները արիւն կը նուիրեն՝ հայ զինուորին օգնելու համար, իսկ նախագահ Ռոպէրթ Խաչատրեանի գլխաւորութեամբ յառաջիկային առաջնագիծ պիտի մեկնին  անհրաժեշտութեան պարագային:

Անգլիայի ախոյեանութեան չորրորդ հանգրուանի մրցումներու ծիրին մէջ, Մանչեսթըր Իւնայթըտը ծանր պարտութիւն մը կրելով,   յաղթանակը զիջեցաւ Թոթենհամին: Հանդիպումի 15-րդ վայրկեանին մանչեսթըրի կազմէն Անթոնի Մարտիալը կարմիր քարդով դուրս եկաւ մրցումէն, ուր հիւրընկալ խումբը ստիպուեցաւ հանդիպումը շարունակել նուազ խաղացողով: Նշենք թէ Մանչեսթըր մինչ օրս ունի երեք կէտ, եւ կը գրաւէ աղիւսակին  17-րդ դիրքը: Լոնտոնի Լիվըրփուլը դարձեալ կրեց անակնկալ պարտութիւն մը Իսթոն Վէլլա խումբէն: Լիվըրփուլի միակ կոլը նշանակեց Մուհամմէտ Սալահը 33-րդ վայրկեանին, իսկ յաղթական խումբին կոլերը նշանակեցին Օլի Ուաթքէնզ 4-23-39-րդ վայրկեաներուն, իսկ Ճոն Մաքճինը 35-րդ վայրկեանին: Նշենք թէ հանդիպումի բոլոր կոլերը արձանագրուեցան առաջին կիսախաղին:

Իր կազմին մէջ  Լիվանտովեսկին ունեցող խումբը, կարելի չէ որ ձախողութեան ենթարկուի: Կիրակի օր Պայէրն Միունեխի եւ Հերթա Պերլին խումբերուն միջեւ կայացած հանդիպումը աւարտին հասաւ 4-3 արդիւնքով ի նպաստ Պաւարիոյ խումբին: Յաղթական խումբին չորս կոլերուն հեղինակը դարձաւ Լիվանտովեսկին, որ յաջողեցաւ մրցակիցին դարպասը ցնցել զանազան առիթներով: Պաւարեան խումբին հետ մաս կազմած 98 մրցումներու ընթացքին, Լիվանտովեսկին նշանակած է 103 կոլեր: Նշենք թէ անցեալ տարուան ախոյեանութեան սոյն խաղացողը դարձաւ կոլ սկորիստ, ինչպէս նաեւ ընտրուեցաւ Գերմանիոյ լաւագոյն ֆութպոլիստ:

Պատրաստեց
Ռաֆֆի Սիւլահեան