ՄԱՐԶԱԿԱՆ՝ ՆՈՅԵՄԲԵՐ Ա./2020

0
ՏԵՂԱԿԱՆ 
ԼՈՒՐԵՐ ՍՈՒՐԻՈՅ ՄԱՐԶԱԿԱՆ ԿԵԱՆՔԷՆ
 – Սուրիոյ ֆութպոլի ախոյեանութեան երկրորդ հանգրուանի մրցում-ներուն, Հալէպի Իթթիհատը անգամ մը եւս ձախողութիւն արձանագրելով 1-2 արդիւնքով պար- տուեցաւ Հոմսէն ժամանած Քարամէ խումբէն: Մրցումի 10-րդ վայր- կեանին, Իթթիհատի բերդապահը  ծանրօրէն վնասուեցաւ եւ տեղափոխուեցաւ հիւանդանոց դարմանուելու:
Հալէպի Հուրիէն Հոմսի մէջ 1-1 արդիւնքով հաւասարեցաւ Ուասպէին հետ, իսկ 1-0 արդիւնքով Ճէյշը պարտութեան մատնեց Թալիաան, նոյն արդիւնքով Ճապլէն յաղթեց Ֆութուէին: Բ. Դասակարգէն բարձրացած Հուճուլէն 0-3 ադիւնքով պարտուեցաւ Հթթինէն:
 – Սուրիոյ պասքեթի հաւաքականը ուսումնամարզական հաւաքով ժամանեց Ռուսիա, ուր կատարեց իր հերթական մարզումները, ինչպէս նաեւ բարեկամական այլ հանդիպումներ ունեցաւ:
ՀԱՅԿԱԿԱՆ
ԱՐՑԱԽԻ ՄԷՋ ՆԱՀԱՏԱԿՈՒԵՑԱՒ ՓԻՒՆԻԿԻ ՄԱՐԶԻԿ ԳԱԳԻԿ ԱԲՐԱՀԱՄԵԱՆԸ 
Երեւանի Փիւնիկ ակումբի ֆութպոլիստ Գագիկ Աբրահամեանը նահատակուեցաւ Արցախի մէջ ընթացող պատերազմին հետեւանքով: Այդ մասին յայտարարեց ակումբի դիմատետրի էջը: «Արցախի մէջ ընթացող պատերազմական գործողութիւններու ժամանակ յանուն հայրենիքի իր պարտքը կատարելով զոհուեցաւ Փիւնիկի սան, դարպասապահ Գագիկ Աբրահամեանը, որ կը կատարէր իր զինուորական ծառայութիւնը: Կը ցաւակցինք նահատակին ծնողքին, հարազատներուն եւ ընկերներուն: Յաւերժ փառք քեզ Գագիկ». Գրուած էր ակումբի յաղորդագութեան մէջ:
ԲՌՆՑՔԱՄԱՐՏԻԿ ԷՏԿԱՐ ՂՈՒԿԱՍԵԱՆԸ ՊԱՇՏՊԱՆԵՑ ԱԽՈՅԵԱՆԱԿԱՆ ԳՕՏԻՆ
Ռուսիոյ անունով ներկայացող հայազգի բռնցքամարտիկ Էտկար Ղուկասեանը հերթական յաղթանակ տարաւ արհեստավարժական դաշտէն ներս: Սոչիի WOW Արենա մարզապալատին մէջ կայացած բռնցքամարտի մենամարտին, 31-տարեկան հայ մարզիկը առաջին միջին քաշային կարգի (69,85 քկ.) տասը ռաունտի մրցամարտ կատարեց թանզանիացի մարզիկ Էմմանուէլ Ամոսի հետ: Մենամարտը անցաւ Էտկար Ղուկասեանի բացայայտ յաղթանակով եւ աւարտեցաւ 100:90, 99:91, 100:90 արդիւնքով: Այդպիսով, հայազգի բռնցքամարտիկը հերթական անգամ  կրցաւ պաշտպանել WBA Asia South ախոյեանական գօտին:
ՄԻՋԱԶԳԱՅԻՆ 
ՊԱՐՍԵԼՈՆԱՅԻ ՆԱԽԱԳԱՀԸ ՀՐԱԺԱՐԵՑԱՒ
Անցեալ շաբթուան ընթացքին, քաթալոնիական Պարսելոնա ակումբի նախագահ Եոսիփ Մարիա Փարթոմէուն ներկայացուց իր հրաժարականը: Նախագահին հրաժարականը սպասուած էր ակումբի համակիրներուն մեծամասնութեան կողմէ, որոնք դժգոհ էին խումբին արդիւնքներէն,  ինչպէս նաեւ կազմին խաղցողներուն հանդէպ իր ունեցած լարուածութեան համար: Փարթոմէուն քննադատութիւններ ստացաւ նաեւ Մեսիին հարցին առնչութեամբ, որ երկար ժամանակ Արժանթինցի խաղացողը հեռու պահեց կազմէն: Քաթալոնիական ակումբը իր պաշտօնական էջին մէջ գրեց որ ակումբի ժամանակաւոր նախագահ նշուած է Քարելս Թուսքուեթցը, իր հետ ունենալով ութը անդամ, որոնք յառաջիկայ երեք ամիսներուն պիտի կատարեն վարչական աշխատանքներ, մինչ նոր ընտրութիւնները: Նշենք որ Փարթոմէուն նախագահական պաշտօնին ընտրուեցաւ 2014 թուականին:
Պատրաստեց
Ռաֆֆի Սիւլահեան
Share.

Leave A Reply