ՔԱՆԱՏԱՅԻ ՀԱՅ ՈՒՍԱՆՈՂԱԿԱՆ ՄԻՈՒԹԻՒՆՆԵՐ ԿՈՉ Կ՚ՈՒՂՂԵՆ ՎԱՐՉԱՊԵՏԻՆ ՀՐԱԺԱՐԵԼՈՒ

0

Մոնթրէալի Համալսարանի Հայ Ուսանողական Միութիւնը, Գոնգորտիա Համալսարանի Հայ Ուսանողական Միութիւնը եւ ՀՅԴ «Արմէն Գարօ» Ուսանողական Միութիւնը հրապարակած են հետեւեալ հաղորդագրութիւնը.

«Վերջերս Հայաստանի և Արցախի բնակչութիւնը մտահոգութիւններ է ներկայացրել Հայաստանի Հանրապետութեան Վարչապետի, Ատրպէյճանի Հանրապետութեան Նախագահի և Ռուսաստանի Դաշնութեան Նախագահի կողմից 10 Նոյեմբեր 2020-ին ստորագրուած հրադադարի մասին համաձայնագրի վերաբերեալ:

Փաշինեանի կառավարութեան կողմից ստորագրուած պայմանագրի պայմանները չեն համապատասխանում Արցախի Հանրապետութեան ժողովրդի շահերին, ովքեր ներկայումս ենթարկւում են հարկադրական արտաքսման Հայաստանի Հանրապետութիւն:

Այս համաձայնագիրը միակողմանիօրէն ստորագրուեց ՝ առանց խորհրդակցելու ո՛չ Հանրապետութեան Նախագահի, ո՛չ էլ Հայաստանի Ազգային ժողովի քաղաքական խմբակցութիւնների բազմաթիւ ղեկավարների հետ: Այն ամբողջութեամբ նուաստացում է բերել հայոց պետականութեանը և ամբողջական կապիտուլացիա է պարտադրել թուրք-ատրպէյճանական ագրեսիայի զոհերին:

Հայ ազգն ու հայոց սփիւռքը զարմացած են այս լուրը ստանալով:

Հաշուի առնելով սոյն եռակողմ պայմանագրում կնքուած պայմանները, պահանջում ենք պայմանների շտապ շտկելու անհրաժեշտութիւնը,

Հաւատալով, որ հայ ազգի կենսական շահերը և Հայաստանի Հանրապետութեան ռազմավարական շահերը մանրակրկիտ ուսումնասիրված չեն Փաշինեանի կառավարութեան կողմից հրադադարի մասին այս համաձայնագրի ստորագրման ժամանակ,

Ակնկալելով Փաշինեանի կառավարութեան համագործակցութիւնը ներգրաւուած բոլոր կողմերի, այդ թւում `մտաւորականութեան և հայկական արտախորհրդարանական ուժերի հետ,

Պահանջում ենք շեշտել այս համաձայնագրի ոչ ղեկավարութիւնը, որը չի կարող հիմք հանդիսանալ Հարաւային Կովկասի հակամարտութիւններում կայուն և տեւական խաղաղութիւն հաստատելու բանակցութիւնների գործում,

Կոչ անել Վարչապետ Փաշինեանի հրաժարականին, որը պատասխանատու է այս ապօրինի ստորագրման համար, որը հակասում է Հայոց պետականութեան կենսական շահերին:

Աջակցում ենք ազգային միասնութեան ժամանակաւոր Կառավարութեան ստեղծմանը, որը ներառում է Հայաստանի տասնեօթ քաղաքական կուսակցութիւնների կոալիցիան, ներառեալ ամբողջ մտաւորականութիւնն ու ռազմաքաղաքական էլիտան,

Մտահոգութեամբ նշենք ԵԱՀԿ Մինսկի խմբի համանախագահների բացակայութիւնը այս հրադադարի համաձայնագրի հաստատման գործում, մասնաuորապhս Ֆրանսիայի և Ամերիկայի Միացեալ Նահանգների պատուիրակութեան կազմում.

Յիշեցնել Հայաստանի ղեկավարութեանը հետագայ բանակցութիւններում առաջնահերթութիւնը համարել անվտանգութիւնը, ինքնորոշման իրաւունքը և Արցախի Հանրապետութեան կարգավիճակը:

Կոչ անել Հայաստանի ղեկավարութեանը պաշտպանել Հայաստանի Հանրապետութեան տարածքային ամբողջականութիւնը, ներառեալ հայկական պետութեան ողնաշարը, այն է `Սիւնիքի մարզը:

Մենք մեր աջակցութիւնն ենք հայտնում Հայաստանում 17 քաղաքական կուսակցութիւնների կոալիցիայի գլխաւորած շարժմանը:

Մենք ձեզ հետ ենք

Մոնթրէալի Համալսարանի Հայ Ուսանողական Միութիւն

Գոնգորտիա Համալսարանի Հայ Ուսանողական Միութիւն

ՀՅԴ «Արմէն Գարօ» ուսանողական միութիւն

14 Նոյեմբեր 2020

Share.

Leave A Reply