ԱՐԱ ԱՅՎԱԶԵԱՆ ՀՀ ԱՐՏԱՔԻՆ ԳՈՐԾՈՑ ՆԱԽԱՐԱՐ ՆՇԱՆԱԿՈՒԱԾ Է

0

«Արմէնփրէս».- ՀՀ նախագահի հրամանագիրով` Արա Այվազեան նշանակուած է ՀՀ արտաքին գործոց նախարար:
«Հիմք ընդունելով վարչապետի առաջարկութիւնը` համաձայն Սահմանադրութեան 131-րդ յօդուածին, ինչպէս նաեւ «կառավարութեան կառուցուածքի եւ գործունէութեան մասին» օրէնքի 5-րդ յօդուածի 1-ին մասին. Արա Այվազեան նշանակել արտաքին գործոց նախարար», ըսուած է հրամանագիրին մէջ:
Արա Այվազեան ծնած է 1969թ., Երեւանի մէջ: 1986-1993 թթ. սորված եւ աւարտած է ԵՊՀ արեւելագիտութեան հիմնարկի արաբական բաժինը (1987-1989 թուականներուն ծառայած է Խորհրդային բանակին մէջ): 1994 թուականին աւարտած է Պէյրութի Հայկազեան համալսարանական քոլէճի քաղաքագիտութեան հիմնարկը: 1995թ. աշխատած է ՀՀ Արտաքին գործոց նախարարութեան մէջ` ստանձնելով տարբեր պաշտօններ: 1996-2018թթ. Դանիոյ, Շուէտի, Լիթուիոյ, Փանամայի, Քուպայի եւ շարք մը այլ երկիրներու մէջ Հայաստանի Հանրապետութեան արտակարգ եւ լիազօր դեսպան եղած է: 16 Հոկտեմբեր 2020-ին ՀՀ վարչապետի հրամանով նշանակուած է ՀՀ արտաքին գործոց նախարարի տեղակալ:

Share.

Leave A Reply