«Էրմէնիհապեր».-13 Յունուարին Ռուսիոյ նախագահ Վլատիմիր Փութինի եւ Թուրքիոյ նախագահ Ռեճէպ Թայիպ Էրտողանի միջեւ տեղի ունեցած է հեռաձայնային զրոյց, որուն ընթացքին Փութին իր գործընկերոջը տեղեկացուցած է 11 Յունուարին Մոսկուայի մէջ կատարուած եռակողմ հանդիպումին արդիւնքները:
«Թուրքիոյ նախագահին հետ զրոյցի ընթացքին Փութին յայտնած է, որ մոսկովեան հանդիպումին գլխաւոր արդիւնքը Ատրպէյճանի եւ Հայաստանի կողմէն` յարաբերութիւններու բարելաւման տրամադրուածութեան հաստատումն է», հաղորդած է Ռուսիոյ նախագահի մամուլի ծառայութիւնը:
Նոյն աղբիւրին փոխանցումով, զրոյցի ընթացքին Էրտողան իր աջակցութիւնը յայտնած է ղարաբաղյան հարցի կարգաւորման գծով Մոսկուայի ջանքերուն, կարեւոր համարելով Ռուսիոյ եւ Թուրքիոյ գործողութիւններուն հետագայ համակարգումը:
«Զրոյցի ընթացքին Պութին եւ Էրտողան անդրադարձած են նաեւ Լեռնային Ղարաբաղի մէջ հրադադարի կարգի դիտարկման ռուս-թուրքական կեդրոնի ստեղծման որոշ նրբերանգներու» , -կը հաղորդէ Քրեմլին: