Սիրելի՛ ընթերցող՝

Նախ ներողամտութիւն կը խնդրեմ երկար ժամանակէ ի վեր ձեզմէ ստացած լուսաբանական հարցումներուն, ժամանակի սղութեան պատճառով, պատասխանել չկարենալուս համար: Պիտի ջանամ յառաջիկային աւելի մօտ հերթականութեամբ իրաւաբանական այս սիւնակը պատրաստել:

Այս թիւով միայն պիտի պատասխանեմ ձեզմէ ստացած նամակներուն:

Այո՛, դատական նշանները ճիշդ այդ նպատակով կը տեղադրուին, որպէսզի կալուածատէրը չվերաբերի ինչքին հետ (վաճարել, վարձու տալ, երաշխիքով տալ, եւ այլն) իր ցանկութեան համաձայն, երբ այդ ինչքը այլոց իրաւունքներ կը վերապահէ (ժառանգի կամ այլ իրաւունքներով): Հետեւաբար ճիշդ աշխատած կ’ըլլա՛ս եթէ այդ նշանը դնես:

Այո՛, սակայն եթէ երեխային հայրը համաձայն գտնուի, որ զաւակը մօրը հետ երկրէն դուրս ճամբորդէ, այս պարագային ան շրջան մը ետք չի կրնար պատճառաբանել զաւկին երկրէն դուրս գտնուիլը՝ խնամատարութիւնը վերստանձնելու համար: Պէտք է իմանալ սակայն, որ այս պարագային արժեւորումը կը մնայ դատաւորի հայեցողութեան, որ նկատի կ’ունենա՛յ ճամբորդութեան վայրը, մօրը վիճակը եւ ամենակարեւորը՝ դեռահասին շահերը:

Այո՛, միջոց կայ: Եթէ վաճառողին եւ ձեր միջեւ մինչեւ երրորդ աստիճանի ազգականութիւն կայ, պայմանագրութեան կարիք չկայ, այլ միայն երկու վկաներու կը կարօտի նման դատ փաստելը:

Իսկ եթէ ազգականութիւն չկայ, այդ պարագային կրնաս հաղորդակցական որեւէ միջոցով (e.mail, whatsapp, viber…) անոր պայմանագրութիւնը ղրկել եւ ան իր մատնահետքը անոր վրայ դնելէ ետք ձեռամբ կամ փոխադրակական միջոցներով կը վերադարձնէ քեզի եւ այդ արդէն բաւարար փաստ կը համարուի:

Բացարձակապէ՛ս: Դատական վճիռներու գործադրման ուժը վերջնական է, դատական կողմերը (դատահայցը կամ պաշտպանեալը) երբ որ ուզեն կրնան գործադրութեան դնել այդ վճիռը:

Դեռահասը չի կրնար լիազօրագիր տալ, իսկ հասուն մարդուն համար տարիքային պայման չկայ, սակայն լիազօրողը տարեց ըլլալու պարագային՝ նօտարը տարբեր միջոցներով կը ստուգէ անոր արթնութիւնը, մտային կարողութեան վիճակը եւ միայն հաստատելէ ետք է, որ այս շրջագիծէն ներս խնդիրներ չի դիմագրաւեր եւ իր ազատ կամքի դրսեւորումով կը շնորհէ այդ լիազօրութիւնը, կը վաւերացնէ լիազօրագիրը:

Իրաւունքը պաշտպանենք եւ օրէնքով պաշտպանուինք: