«Էրմէնիհապեր».-Թուրքիոյ նախագահականի մամուլի խօսնակ Իպրահիմ Քալըն հեռաձայնային զրոյց ունեցած է ԱՄՆ նորընտիր նախագահի ազգային անվտանգութեան հարցերու խորհրդական Ճէք Սալաւանին հետ:
Նշենք, որ Քալընի եւ Սալաւանի զրոյցը Ճօ Պայտընի նախագահ ընտրուելէն վերջ Թուրքիոյ եւ ԱՄՆ-ի միջեւ բարձր մակարդակի առաջին շփումն է:
Կողմերը քննարկած են Թուրքիա-ԱՄՆ երկկողմ յարաբերութիւնները, ինչպէս նաեւ միտքեր փոխանակած են Սուրիոյ, Լիպիոյ, Արեւելեան Միջերկրականի, Կիպրոսի, Աֆղանիստանի եւ Լեռնային Ղարաբաղի հարցերուն շուրջ:
Անոնք կ’ակնկալեն, որ երկու դաշնակից երկիրները այս նոր փուլով ամուր, կայուն եւ կառուցողական յարաբերութիւնններու բնորդ կը հաստատեն:
Զրոյցի ընթացքին համաձայնած են ձեռնարկել այնպիսի քայլերւ որոնք կը նպաստեն ՆԱԹՕ-ի ամրապնդումին, ինչպէս նաեւ տարածաշրջանային եւ համաշխարհային խաղաղութեան ու կայունութեան հաստատման:
