«Արմէնփրէս».-Պաքուի մէջ 19 Փետրուարին տեղի պիտի ունենայ Ատրպէյճանի, Թուրքիոյ եւ Վրաստանի արտաքին գործոց նախարարներու եռակողմ հանդիպում: Ատրպէյճանի ԱԳՆ-ը հաղորդած է, որ Թուրքիոյ ԱԳ նախարար Մեւլութ Չաւուշօղլուն Պաքու պիտի ժամանէ 18 Փետրուարին, իսկ Վրաստանի փոխվարչապետ, ԱԳ նախարար Դաւիթ Զալքալիան` 19 Փետրուարին:
Նախատեսուած է նաեւ Ատրպէյճանի ԱԳ նախարար Ճէյհուն Պայրամովի երկկողմ հանդիպումները թուրք եւ վրացի գործընկերներուն հետ: