«Արմէնփրէս».- ԵԱՀԿ Մինսքի խումբի համանախագահները (Իկոր Փոփով` Ռուսիա, Սթեֆան Վիսքոնտին` Ֆրանսայէն եւ Ամերիկայի Միացեալ Նահանգներէն Էնտրիւ Շոֆեր) 16 Փետրուարին տեսակապի միջոցով զրոյցներ ունեցած են Հայաստանի արտաքին գործոց նախարար Արա Այվազեանի եւ Ատրպէյճանի արտաքին գործոց նախարար Ճէյհուն Պայրամովի հետ:
Զրոյցներուն մասնակցած է նաեւ ԵԱՀԿ գործող նախագահի անձնական ներկայացուցիչ Անժէյ Քէսպրչիքը:
«Իրաքանչիւր նախարարի հետ համանախագահները միտքերու երկար ու բովանդակային փոխանակութիւն կատարած են` տարածաշրջանի մէջ կայունութեան խթանման, միջնորդական գործընթացին եւ ԵԱՀԿ գործող նախագահի անձնական ներկայացուցիչի գրասենեակի դերին առնչուող հարցերու շուրջ», ըսուած է հաղորդագրութեան մէջ: