Մենք առանց  գիտնալու աղբ կը  թափենք խնձորի, պանանի, գետնախնձորի, սխտորի՝ քիուիի կեղեւները:

Չենք գիտեր կեղեւին օգտակարութեան չափը, որուն մէջ շատ աւելի կենսանիւթեր կան քան պտուղին մէջ:

Պանանի Կեղեւը

Պանանի կեղեւը կրնայ դրականօրէն ազդել ստամոքսի խանգարումներու եւ արիւնահոսութիւններու պարագաներուն:Զայն կարելի է դնել նաեւ կապուքներու եւ վնասուածքներու վրայ եւ օգտագործել խայթուածքներու պարագային:

Պանանին կեղեւը կրնանք օգտագործել մեր ակռաները ճերմկցնելու համար:

Քիուիի  Կեղեւը

Քիուիի կեղեւին մէջ 3 անգամ աւելի շատ հակաօքսիտանդներ կան քան պտուղին մէջ:

Անիկա կ’արտադրէ նիւթեր քաղցկեղէն, բորբոքումներէն եւ զգայնոտութենէն (ալերժի «Գ.») պաշտպանուելու համար: Ան նաեւ մեր մարմինէն դուրս կը շպրտէ, վնասակար քիմիական միացութիւնները:

Դդումի Կեղեւը

Այս մէկը շատ հրաշալի պաշտպանողական յատկութիւն ունի:

Կ’օգտագործուի առողջութեան ամրապնդման՝ կը պարունակէ Carotene (քարոթին), զոր մարմինը ուռուցքային հիւանդութիւններէն կը պաշտպանէ:

Գետնախնձորի Կեղեւը (թարմ գետնախնձորի կեղեւ)

Հարուստ է նիւթերով, որոնք բարենպաստ ազդեցութիւն ունին մարմնի բջիջներուն վրայ:

Մէկ գետնախնձորի կեղեւը կը պարունակէ երկաթ, փոթասիում,  ֆոսֆոր, զինք, C կենսանիւթ նոյն առաւելութիւնները ունին ստեպղինն ու բազուկի կեղեւը:

Նարինջի Կեղեւը

Նարինջի կեղեւը կրնաք սառնարանին մէջ պահել մինչեւ 6 ամիս:

Անոր համը շատ զօրաւոր է, եւ կը պարունակէ C կենսանիւթ աւելի մեծ քանակով քան պտուղը, ան մարսողութեան եւ տեսողութեան համար շատ օգտակար է: Ան նաեւ կը բարելաւէ մաշկը եւ կը նուազեցնէ մարմինի իւղերը:

Սխտորի Կեղեւը

Սխտորը հին Հռոմի մէջ կ’օգտագործէին հոգնածութեան, ուժերը վերականգնելու համար: Սխտորին ստորին կեղեւը կ’օգտագործուի ծերութեան դէմ պայքարելու եւ սրտի առողջութիւնը պահպանելու համար:

Կարելի է սխտորի կեղեւները աւելցնել թէյի կամ տաք ջուրի մէջ խմելու համար նաեւ կարելի է միսին հետ խառնել, եփել եւ ուտել զայն:

Սոնա Տէր Պօղոսեան-Տարաքճեան