«Էրմէնիհապեր».-Թուրքիոյ «Ազգայնական Շարժում» կուսակցութեան (ԱՇԿ-MHP) նախագահ Տեւլէթ Պահչելին յայտնած է, որ կուսակցութիւնը հրաժարած է Շուշիի մէջ դպրոց կառուցելու ծրագիրէն: Այդ մասին ան գրառում կատարած է Twitter-ի իր միքրոպլոկին մէջ:
Պահչելին յայտնած է, որ իրենք պատրաստ են ծրագիրը իրագործելու, սակայն ատրպէյճանական կողմը անոր հաւանութիւն չէ տուած: Փոխարէնը Պաքուն պատրաստած է մէկայլ ծրագիր: ԱՇԿ-ի ղեկավարի խօսքին համաձայն, իրենք յարգանքով վերաբերած են Պաքուի որոշումին:
Տեւլէթ Պահչելին ընդգծած է, որ այդ ծրագիրին համար հանգանակուած գումարները պիտի վերադարձուին:
Յիշեցնենք, որ Թուրքիոյ «Ազգայնական Շարժում» կուսակցութեան կողմէ Շուշիի մէջ դպրոց կառուցելու մտադրութիւնը յայտնի դարձած էր 26 Յունուար 2021-ին: