Այս գիրքը պատերազմի օրագիր մըն է, բայց սովորական գիրք մը չէ, ուր վենեզուելացի գրող Ռաֆայէլ Տը Նոկալիս Մենտէզ կը պատմէ իր փորձը չորս տարուան ընթացքին, Օսմանեան Կայսրութեան բանակին մէջ իբրեւ զինուորական ծառայութեան տարիներուն, երբ ան կրցած է մօտէն ականատես ըլլալ Հայոց Ցեղասպանութեան ժամանակ տեղի ունեցած կոտորածներուն, եւ շատ մանրամասնօրէն կը պատմէ այն ինչ որ կը հանդիսանայ նման ցեղասպանութեան մը փաստագրուած աղբիւրներէն մէկը: Արդարեւ, Ռաֆայէլ տը Նոկալիս Մենտէզ մեծ մասամբ առարկայական կերպով կը ներկայացնէ այդ փաստերը, ինչպէս նաեւ կը փոխանցէ մանրամասնութիւններ՝ օսմանեան բարդ քաղաքականութեան մասին եւ թէ ինչպէս այդ քաղաքականութիւնը ազդած էր օսմանցի ռազմական ղեկավարներուն վրայ:
Ռաֆայէլ տը Նոկալիս Մենտէզ նաեւ շատ մանրամասնօրէն կը նկարագրէ տարբեր մշակոյթները, սովորոյթները, ցեղային պատկանելութիւնները եւ պատմական յուշարձանները, որոնց ան ականատես եղած եւ հանդիպած էր կայսրութեան ամբողջ տիրոյթներու տարածքին ճամբորդելով՝ իր առաջ դրուած տարբեր առաջադրանքները կատարելու համար:
Այս գիրքը իմ ամէնէն շատ սիրած գիրքերէն մէկն է, եւ այնքան լաւ գրուած է, որ շատ հեշտ է ինքզինքդ հեղինակին կողքին երեւակայել՝ մաս կազմելով անոր արկածախնդրութիւնններու որոշ բաժինններուն: Որպէս վենեզուելացի, որ կը հասկնայ իր երկրին պատմութիւնը, ես կրնամ հաստատել, որ Ռաֆայէլ տը Նոկալիս Մենտէզ՝ վենեզուելայի ամէնէն զօրաւոր զինուորներէն է, (եթէ ոչ միակը), ամէնէն լաւ ռազմական գրառումով: Այս գիրքը միայն կը պատմէ այդ արկածներուն եւ վտանգներուն քառամեայ շրջանը։
Հաստատապէս այս հատորը այն գիրքն է, որ կ’արժէ կարդալ։
Ուիլֆրետօ Ռոտրիկէզ Տոթթի
18 Հոկտեմբեր 2018