«Երկիր».-Հայաստանի Հանրապետութեան փոխվարչապետ Մհեր Գրիգորեան, Ռուսիոյ փոխվարչապետ Ալեքսէյ Օւերչուք եւ Ատրպէյճանի Հանրապետութեան փոխվարչապետ Շահին Մուստաֆաեւ կատարած են եռակողմ աշխատանքային խումբի նիստ:
20 Հոկտեմբերին Մոսկուայի մէջ կողմերը կատարած են Եռակողմ աշխատանքային խումբի 8-րդ նիստի առաջին մասը, որու ընթացքին դիտարկուած են Հարաւային Կովկասի տարածաշրջանի երթեւեկային կապերու վերականգնման հեռանկարները, եւ քննարկուած է Հայաստանի Հանրապետութեան վարչապետի, Ռուսիոյ նախագահի եւ Ատրպէյճանի Հանրապետութեան նախագահի 11 Յունուար 2021-ի յայտարարութեան մէջ իրականացուող աշխատանքի հետագայ ընթացքը:
Կողմերը պայմանաւորուած են մօտակայ ժամանակին կատարել 8-րդ նիստին երկրորդ մասը: