“Անթիլիաս”._Այս առաւօտ՝ Երկուշաբթի, 16 Մայիս 2022-ին, ՆՍՕՏՏ Արամ Ա. Վեհափառ Հայրապետը մեկնեցաւ Գահիրէ (Եգիպտոս), ընդառաջելով ղպտի եկեղեցւոյ հոգեւոր պետ Թաուատրոս Պատրիարքին եւ Միջին Արեւելքի Եկեղեցիներու Խորհուրդի (ՄԱԵԽ) ընդհանուր քարտուղարի հրաւէրին, իբրեւ պատուոյ հիւր մասնակցելու եւ իր խօսքը ուղղելու Խորհուրդի համաժողովին։
Չորս տարին անգամ մը գումարուող ՄԱԵԽի ներկայ համաժողովին Մեծի Տանն Կիլիկիոյ Կաթողիկոսութիւնը կը մասնակցի հինգ անձերէ բաղկացած պատուիրակութեամբ.-
– Գերշ. Տ. Սեպուհ Արք. Սարգիսեան (Թեհրանի հայոց թեմի առաջնորդ)
– Գերշ. Տ. Շահէ Արք. Փանոսեան (Լիբանանի հայոց թեմի առաջնորդ)
– Գերշ. Տ. Մասիս Եպս. Զօպույեան (Բերիոյ հայոց թեմի առաջնորդ)
– Հոգշ. Տ. Սարգիս Աբղ. Աբրահամեան (գաւազանակիր)
– Դոկտ. Ժան Սալմանեան (Սէն Ժոզէֆ համալսարանի դասախօս)
Համաժողովին պիտի մասնակցին Միջին Արեւելքի բոլոր եկեղեցիները՝ իրենց պատուիրակութիւններով։ Վեհափառ Հայրապետը, իր պատուիրակութեամբ, Մայրավանք պիտի վերադառնայ Ուրբաթ, 20 Մայիսին։