Մեծ խոհարարներու մօտ պտուղներու շքեղ յարդարանքը դարձած է արուեստի իւրայատուկ տեսակ։ Մեր մարմինը լաւապէս կ’ընդունի այն ուտելիքները, որոնք՝ սննդարար, բայց մանաւանդ աչքին հաճելի են։

Պտուղները՝ իբրեւ սննդանիւթ կարելի է մատուցել ամբողջութեամբ (լման) եւ շերտուած։ Շերտերու վերածուած պտուղները գրաւիչ տեսք մը կու տան սեղանին։ Կարելի է նաեւ զանոնք աղցանի վերածելէ ետք սպասարկել հիւրերուն։

Բոլոր պտուղներն ալ նոյն քանակութեամբ պէտք է օգտագործել եւ մատուցել պատրաստելէ անմիջապէս ետք։

Աղցանին կարելի է աւելցնել նաեւ հազար կամ պանիր, ինչպէս նաեւ՝ մեղր կամ պաղպաղակ (ըստ ճաշակի)։

Կիտրոնի հիւթը աղցանին համը կը շեշտէ եւ պտուղներուն գոյնը կը պահպանէ։

Աւելի հետաքրքրական եւ գրաւիչ տեսք մը ունենալու համար աղցանը կարելի է զետեղել նարինջի, սեխի կամ ձմերուկի կեղեւներուն մէջ (ծաղկամանի տեսքով), զայն զարդարելով հալած տուրմի կտորներով։

1 քիլօ դդում

1 գլուխ սոխ

1 հատ ստեպղին

1 հատ պղպեղ

Աղ-սեւ պղպեղ

Ձիթաիւղ

100 կրամ մոզարէլլա պանիր

3 դգալ կարկանդակի փոշի

Դդումները կիսել, միջուկները հանել, կտրտել։ Փուռի ափսէին մէջ (մոմուած թուղթով պատուած) շարել զանոնք, իւրաքանչիւրին վրայ ձէթ քսել, համեմել աղով, սեւ պղպեղով եւ 200 ջերմաստիճան փուռի մէջ 10 վայրկեան եփել։

Մանրուած սոխը ձէթի մէջ 2 վայրկեան թոռմեցնել, ապա վրան աւելցնել քերթուած ստեպղինը, խորանարդաձեւ կտրտուած պղպեղը, դդումներուն միջուկ եւ բոլորը համեմել աղով, սեւ պղպեղով։ Յետոյ տապակին կափարիչը գոցել ու եփել։ Դդումները շարել ապակեայ փոս ամանի մը մէջ։ Իւրաքանչիւրին վրայ զետեղել պատրաստուած միջուկէն։ Ապա կարկանդակի փոշին ու քերթուած պանիրը աւելցնել եւ եփել 200 ջերմաստիճան փուռին մէջ, 15 վայրկեան։