Բժշկ. Պերճ Գասապեան- Ժանտախտը՝ Քոլերան, մանրէի տեսակ մըն է, որ կը վարակէ եւ կը փոխանցուի մարդոց: Այս մանրէն կ’ազդէ մարդու մարսողական համակարգին եւ մանաւանդ բարակ աղիքներուն վրայ: Այս հիւանդութիւնը ժամանակին մահացու կը սեպուէր, սակայն բժշկութեան զարգացումով, դարմանումի միջոցներու յայտնաբերումով այս հիւանդութենէն մահացողներու թիւը բաւական նուազած է. ներկայիս, ժանտախտէ տառապող հիւանդներուն մօտաւորապէս 1%-ը միայն կը մահանայ: Այդուհանդերձ դարմանումի չենթարկուելու պարագային մահացութեան տոկոսը կը հասնի 60%-ի:

Հիւանդին դարմանումը կը կատարուի ախտանշաններու բուժումով, մանրէասպան դեղերու (antibiotics) օգտագործումով եւ առատ ջուր խմելով:

Ախտաճանաչումը կը կատարուի քննելով հիւանդին կղկղանքը, այսինքն՝ ապացուցելով քոլերա մանրէներու գոյութիւնը կղկղանքին մէջ:

Բ.Պ.Գ.- Առողջապահական  խիստ միջոցառումներու կիրարկումով կարելի է կանխարգիլել ժանտախտը: Անիկա շուտով կրնայ համաճարակի վերածուիլ, եթէ կանխարգիլման միջոցառումները ձախողին:

Այս հիւանդութենէն պաշտպանուելու համար հարկ է.

-Հսկել ըմպելի ջուրի եւ սննդանիւթերու մաքրութեան,

-Դաստիարակել ժողովուրդը առողջապահական գիտելիքներով, օրինակ՝ յաճախ լուալ ձեռքերը օճառով եւ ջուրով,

-Հսկել կոյուղիներու մաքրութեան,

-Հականեխել հիւանդին գործածած սպասները եւ անկողինը,

-Լուալ անոր հագուստը օճառով եւ տաք ջուրով,

-Զերծ մնալ պատրաստ ճաշեր կամ սառոյցի կտորներ գնելէ եւ օգտագործելէ:

-Իսկ երբ նկատենք ժանտախտի ախտանշաններու գոյութիւնը, անյապաղ դիմել բժիշկին՝ դարմանուելու:

Բ.Պ.Գ.- Տարածուող լուրերուն համաձայն, այո՛, ժանտախտը տարածուած է Սուրիոյ մանաւանդ աղքատ շրջաններուն մէջ, ուր բացակայ են հիմնական ենթակառոյցները:

ժանտախտի յարուցիչը քոլերա (cholera) մանրէն է, որ կը տարածուի եւ կը փոխանցուի ոչ-առողջապահական պայմաններով: Հիւանդութիւնը կը զարգանայ միլիոնաւոր մանրէներու գոյութեամբ: Քոլերան առաւելապէս կը պատահի մանուկներուն, վատառողջ պայմաններու մէջ ապրողներուն, մարմնական տկար դիմադրողականութիւն ունեցողներուն: Զարգացող երկիրներու մէջ այս հիւանդութեան փոխանցումը եւ տարածումը տեղի կ’ունենայ ապականած եւ վարակուած ջուրի միջոցով, այսինքն՝ վարակուած ջուրի սպառումով եւ վարակուած ջուրով լուացուած սննդանիւթերու սպառումով: Իսկ զարգացած երկիրներու մէջ տարածումը տեղի կ’ունենայ ծովային կենդանիներու միջոցով:

Քոլերայի ախտանշաններ են՝ փորհարութիւն, սրտխառնուք եւ փսխում, հետեւաբար արեան ճնշումի անկում ջրազրկումին հետեւանքով: Անշուշտ սա չի նշանակեր, որ բոլոր փորհարութիւն ունեցողներն ու ճնշումի անկում ունեցողները Քոլերայով հիւանդացած են, բայց պէտք է զգոյշ ըլլալ եւ նախընտրելի է նման պարագաներու ապահովութեան համար անյապաղ բժիշկի դիմել: