«Արմէնփրէս»._ 18 Սեպտեմբերին ԱՄՆ Ներկայացուցիչներու պալատի խօսնակ Նենսի Փելոսին Ծիծեռնակաբերդի յուշահամալիրին մէջ յարգանքի տուրք մատուցեց Հայոց Ցեղասպանութեան զոհերու յիշատակին: Փելոսի ծաղկեպսակ դրաւ յուշահամալիրին առջեւ, ծաղիկներ զետեղեց անմար կրակին մօտ:

Փելոսիին, որ Հայաստան ժամանած էր 17 Սեպտեմբերին, կ’ուղեկցէր ՀՀ Ազգային Ժողովի նախագահ Ալէն Սիմոնեան։ Ծիծեռնակաբերդի բարձունքի վրայ էին նաեւ պատուիրակութեան անդամները՝ ԱՄՆ Ներկայացուցիչներու պալատի ուժանիւթի եւ առեւտուրի հարցերու յանձնաժողովի նախագահ Ֆրանք Փալոն, Ներկայացուցիչներու պալատի անդամներ Աննա Էշուն եւ Ճեքի Սփիէր։