Հայաստանի Արտաքին Գործոց Նախարարութիւնը յայտարարութեամբ մը դատապարտեց Ատրպէյճանի կողմէ զինադադարի դրութեան խախտումը։
28 Սեպտեմբերի երեկոյեան ժամը 6էն սկսեալ, Ատրպէյճանի զինուած ուժերու ստորաբաժանումները, ականանետերու եւ մեծ տրամաչափի հրաձգային զինատեսակներու օգտագործումով կրակ բացին հայ-ատրպէյճանական սահմանի արեւելեան կողմը տեղակայուած մարտական դիրքերուն ուղղութեամբ: Ատրպէյճանական սադրանքին պատճառով հայկական կողմը ունի երեք զոհեր։
Ըստ «Արմէնփրէս»ին, այս մասին կը յայտնեն Հայաստանի Պաշտպանութեան Նախարարութենէն։
Երեկոյեան ժամը 10_ին, նախարարութիւնը հաղորդեց, որ իրադրութիւնը յարաբերականօրէն կայունացած է:
Անկէ ետք, Հայաստանի Արտաքին Գործոց Նախարարութիւնը յայտարարութեամբ մը դատապարտեց Ատրպէյճանի կողմէ զինադադարի դրութեան խախտումը։
«Ատրպէյճանի կողմից ձեռնարկուած հերթական սադրանքը, որը Հայաստանի տարածքային ամբողջականութեան դէմ 13 Սեպտեմբերի մեկնարկած լայնածաւալ յարձակման շարունակութիւնն է, բացայայտ արհամարհանք է միջազգային հանրութեան եւ ՄԱԿ Անվտանգութեան խորհրդի անդամ պետութիւնների կողմից հնչեցուած կոչերին` պահպանելու ձեռք բերուած հրադադարի դրութիւնը։ Սա վերահաստատում է հայկական կողմի ահազանգերն առ այն, որ Ատրպէյճանը պատրաստւում է շարունակել ուժի կիրառման ու առաւելապաշտական իր քաղաքականութիւնը: Աւելին, Ատրպէյճանի նմանօրինակ սադրանքը նպատակ ունի ձախողելու երկու երկրների արտաքին գործերի նախարարների հանդիպումը, որի կազմակերպման շուրջ քննարկումներ են ընթանում: Ստեղծուած իրավիճակում յորդորում ենք միջազգային հանրութեանը գործուն քայլերի իրականացմամբ ու համապատասխան գործիքակազմերու գործարկմամբ ճնշում գործադրել Ատրպէյճանի ռազմաքաղաքական ղեկավարութեան վրայ` հրադադարի ռեժիմը խստագոյնս պահպանելու, Հայաստանի Հանրապետութեան ինքնիշխան տարածքը լքելու ու նոր յարձակումները կանխելու համար: Հայաստանի Հանրապետութիւնը ՄԱԿ կանոնադրութեամբ սահմանուած բոլոր միջոցներով շարունակելու է պաշտպանել իր ինքնիշխանութիւնը եւ տարածքային ամբողջականութիւնը», կ՛ըսուի վերոնշեալ հաղորդագրութեան մէջ: