Սուրիոյ կառավարութեան վարչապետ Արնուսի գլխաւորութեամբ գումարուած այսօրուան արտակարգ նիստին նախարարութիւնները թիւերով եւ տեղեկագիրներով ներկայացուցին 6 եւ 20 Փետրուարի երկրաշարժներու աղէտէն տուժածներուն մարդասիրականէն օժանդակութիւններուն զուգահեռ փուլ եկած կառոյցներու վերաշինութեան անցնելու կառավարութեան ծրագիրները։
Նիստին հաստատուեցաւ մասնաւոր հատուածի և քաղաքացիական հասարակութեան գործունէութեան հետ համադրաբար քաղաքացիներու ծառայութեան աշխատանքին շարունակութեան անհրաժեշտութիւնը եւս։
Վարչապետը ընդգծեց դաշտային հետազօտութեան ամբողջացման կարեւորութիւնը՝ հասնելու վնասներու ճշգրիտ թիւերուն, որոնք պետական կառոյցներուն կարելիութիւն կու տան իրականացնելու երկրաշարժի հետևանքներու յաղթահարման ծրագիրները, այդ կարգին՝ տասնեակ հազարաւոր բնակարաններու վերականգնումը և ամրացումը՝ միաժամանակ հետեւելով ապաստարաններու վիճակին եւ մարդասիրական եւ բժշկական ծառայութեանց։
Որպէս գործնական քայլ, կառավարութիւնը հաւանութիւն տուաւ Հանրային աշխատանքներու և բնակարանաշինութեան նախարարութեան յուշագրին, որ կը ներառէ երկրաշարժէն տուժածներու բնակարաններու ապահովում Հալէպի եւ Լաթաքիոյ մէջ եւ համապատասխան տարածքներու ճշդում։ Հալէպի մէջ պիտի շինուի 8 շէնք, որ պիտի ներառէ 440 բնակարան, իսկ Լաթաքիոյ մէջ՝ 8 շէնք, որ պիտի ներառէ 300 բնակարան։
Կառավարութիւնը աւարտին պիտի հասցնէ նաեւ նախօրօք սկսած, բայց չամբողջացած շէնքեր ու համալիրներ, բնակարանային հարցերու լուծման համար։