Արցախի Հանրապետութեան իշխանութիւնները համաձայնութիւն տուած են Լաչինի միջանցքով և Ակնայի ճամբով Կարմիր Խաչ Միջազգային կոմիտէի մեքենաներով համաժամանակեայ մարդասիրական բեռնափոխադրումներ իրականացնելու առաջարկին։ «Արմէնփրէս»-ի փոխանցմամբ՝ այս մասին հաղորդագրութիւն տարածած է Արցախի տեղեկատուական շտապը։
«Ատրպէյճանի կողմէ Արցախի պաշարման հետևանքով յառաջացած ճգնաժամը օրէ օր կը խորանայ: Հացահատիկի հայթայթման և հացի արտադրամասերուն մէջ ալիւրի մատակարարման գործընթացը կառավարութիւնը կը կազմակերպէ սուղ պայմաններու տակ և, ցաւօք սրտի, միշտ չի յաջողիր օրական դրութեամբ ապահովել կտրոնային համակարգով նախատեսոպած քաղաքացիին օրական հասանելի 200 կրամ հացը:
Նկատի առնելով երկրին մէջ խորացող աղէտն ու անվտանգային իրադրութիւնը՝ Արցախի Հանրապետութեան իշխանութիւնները որոշում գոյացուցած են ընդունելու Կարմիր Խաչ Միջազգային Կոմիտէի Ստեփանակերտի գրասենեակի և խաղաղապահ առաքելութիւն իրականացնող ռուսական զօրախումբի հրամանատարութեան միատեղ առաջարկը Բերձորի միջանցքով՝ Գորիս-Ստեփանակերտ մայրուղիով, և Ակնա-Ստեփանակերտ ճամբով մարդասիրական բեռներու զուգահեռաբար տեղափոխելու Կարմիր Խաչի Միջազգային Կոմիտէի մեքենաներով (արտասահմանեան ծագում ունեցող բեռներ):
Գործընթացի կազմակերպումը անհրաժեշտ է ինչպէս մեր քաղաքացիներու կեանքին ու առողջութեան սպառնացող վտանգները չեզոքացնելու, այնպէս ալ Բերձորի միջանցքով մարդասիրական բեռների հետագայ տեղափոխումը ապահովելու համար», ըսուած է հաղորդագրութեան մէջ: