Սուրիական «Ալ-Ախպարիէ» պատկերասփիւռային կայանը տեղեկացուց որ Երեքշաբթի, 2 Յուլիսին, Սուրիոյ նախագահութեան քաղաքական եւ տեղեկատուական գրասենեակի հաղորդումին համաձայն, Սուրիոյ Հանրապետութեան նախագահութեան յատուկ խորհրդատու Լունա ալ-Շըպըլ դէպի Դամասկոս մայր ճամբուն վրայ ինքնաշարժի մեծ արկածի մը ենթարկուած է:

Աղբիւրին համաձայն, արկածին հետեւանքով ինքնաշարժը մայրուղիէն դուրս եկած եւ ջախջախուած է: Արկածէն անմիջապէս ետք, Լունա ալ-Շըպըլ Դամասկոսի հիւանդանոցներէն մէկը փոխադրուած է, ուր յստակացած է, թէ անոր մօտ գլխուղեղի արիւնահոսութիւն սկսած է:

Շպլի անմիջապէս փոխադրուած է վերակենդանացման բաժին։ Ան կը վիրահատուի բժշկական մասնագէտ խմբակի մը կողմէ: