Սուրիոյ մակարդակով 12 աշակերտ- աշակերտուհիներ պաքալորիայի քննութիւններուն ապահոված են ամբողջական գնահատանիշը՝ 2900։ Այս լուրը հաղորդեց Սուրիոյ Կրթութեան Նախարարութիւնը Կիրակի, 7 Յունիսի առաւօտեան։

Նախարարութեան համաձայն, Սուրիոյ մէջ 2023-2024 ուսումնական տարեշրջանի պաքալորիայի պետական քննութիւններու յաջողութեան արդիւնքը հետեւեալն է՝ գիտական բաժին 57,09 առ հարիւր, գրական բաժին 44,93 առ հարիւր։

Կրթութեան նախարար դոկտ․ Մուհամմէտ Ամէր ալ-Մարտինի Սուրիոյ պետական պատկերասփիւռի կրթական կայանէն յայտնեց, որ քննութիւններու մասնակցութեան պատկերը եղած է հետեւեալը՝ գիտական բաժինէն մասնակցած է 144. 983 աշակերտ-աշակերտուհի, գրական բաժինէն՝ 56. 290 աշակերտ-աշակերտուհի։

Սուրիոյ հայկական երկրորդական վարժարաններու 12-րդ կարգի աշակերտները եւս մասնակցութիւն բերին պաքալորիայի պետական քննութիւններուն։