– Սուրիոյ պասքեթի աղջկանց ախոյեանութեան 4-րդ փուլի մրցումներուն, ՀՄԸՄ-ի աղջկանց կազմը Դամասկոսէն ժամանած Աշրաֆիէի խումբին դէմ կատարած հանդիպումին արձանագրեց չորրորդ պարտութիւնը՝ 69 – 63 արդիւնքով , իսկ Դամասկոսի Սաուրան շարունակելով իր յաղթական արդիւնքները  51 – 39 արդիւնքով պարտութեան մատնեց Հալէպի Ահլին։ Ուահտէ եւ Ճալաա հանդիպումը աւարտեցաւ 53 – 47 արդիւնքով՝ ի նպաստ Ուահտէին, իսկ Պարատան 60 – 62 արդիւնքով յաղթեց Հըթթինին:

– Սուրիոյ ֆութպոլի ախոյեանութեան 3-րդ փուլի մրցումներուն, Հալէպի Ահլին իր նոր մարզիչով 2 – 1 արդիւնքով պարտութեան մատնեց Ճէյշը: 1 – 1 հաւասարութեամբ աւարտեցաւ Ճապլէ – Քարամէի, Ուասպէ – Թալիայի եւ Թըշրին

– Ֆութուէի երեք  հանդիպումները:

Սպանիոյ  Արքայական ակումբը կը պատրաստուի Յունուարին ձեռք բերել Լայպցիգի պաշտպան Քասթելո Լուքեպան փոխարինելու կազմի վիրաւոր խաղացողները: Ըստ Relevo-ի՝ Ռէալի պատասխանատուները լրջօրէն կը հետեւին ֆրանսացի խաղացողին՝ Պունտէս Լիկայի մրցումներուն, եւ բանակցութիւններ սկսած են վարել անոր գործակալին հետ: Ռէալ երկար ատենէ ի վեր կը հետեւի Լուքեպայի եւ զինք կը դիտարկէ որպէս ակումբի հիմնական կազմի խաղացող:

Սպանիոյ ախոյեանութեան 13-րդ փուլի մրցումներուն, Ռէալ Մատրիտ դուրս գալով իր ձախող արդիւնքներէն, 4 – 0 արդիւնքով պարտութեան մատնեց Օսասունան եւ գոհունակութիւն արթեց համակիրներուն, որոնք վերջին շրջանին դժգոհ էին կազմի արդիւնքներէն: Ռէալ արձանագրեց այս տարեշրջանի իր ամենամեծ արդիւնքով յաղթանակը:          Ռէալի երեք կոլերու հաթրիքի հեղինակը դարձաւ պրազիլցի Վինիսիոս Ժունիըր, իսկ Ժուտ Պելինկհամ կրցաւ նշանակել այս տարուան իր առաջին կոլը: Մրցումի առաջին կիսախաղին Ռէալի կազմէն երեք խաղացողներ վիրաւոր դուրս եկան. Կիրակի օր Ռէալի պաշտօնական կայքը յայտարարեց, թէ Միլիթաու ծունկի ծանր վէրքին պատճառով ինը ամիս պիտի բացակայի մրցումներէն, իսկ Ռոտրիկո եւ Լուքաս Վասքէս մէկ ամիս պիտի բացակային կազմի հանդիպումներէն: