2025-ը օձի տարի է։ Օձը իմաստութեան, ողջախոհութեան խորհրդանիշ է։ Կանաչ գոյնը կապուած է աճի, նորութեան եւ ներդաշնակութեան հետ, իսկ փայտը կ’ընդգծէ կայունութիւն եւ ստեղծագործութիւն:

Օձի տարուան ամանորեան սեղանի հիմնական բաղադրիչներն են.

Բանջարեղէնը կը խորհրդանշէ աճ, ներդաշնակութիւն եւ նորութիւն: Փայտէ օձի տարուան մէջ առանձնայատուկ նշանակութիւն ունի կանաչ գոյնը, ուստի բանջարեղէնը, այս տարուան սեղանին անբաժանելի մէկ մասն է, որ կապուած է կենսունակութեան եւ առողջութեան հետ: Օրինակ՝ ամանորեան սեղանը կրնաք հարստացնել շոմինի աղցանով, ապա զարդարել զան ընկոյզով, ազատքեղով, սերմերով կամ կանաչ սխտորով: Չմոռնանք որ օձը կը սիրէ կանաչ գոյնը:

Միսը կը խորհրդանշէ հարստութիւն եւ բարգաւաճութիւն,ուստի աւելի լաւ է սահմանափակել ծանր մսային ուտեստները, կծու համեմները, խուսափիլ չափազանց ճարպային եւ քաղցր ուտելիքներէ, որոնք կը ծանրացնեն ստամոքսը: Մսեղէնով ճաշերուն մէջ անգամ օգտագործեցէ՛ք բանջարեղէն, առաւելութիւնը տուէ՛ք հաւու միսին, որպէսզի դիւրամարս ըլլան ձեր պատրաստած ճաշատեսակները։

Ծովային մթերքը տօնական սեղանի անբաժան մասն է, կրնաք սեղանը հարստացնել կոճապղպեղով եւ սոյայի հիւթով խաշած կամ փուռը եփած ձուկով:

Ընկոյզը կը խորհրդանշէ պաշտպանութիւն, իսկ մեղրը՝ կեանքի քաղցրութիւն: Անոնք նաեւ կը խորհրդանշեն  առատութիւն, զոր կը փափաքիք ունենալ եկող տարուան մէջ:

Աղանդերին անբաժան մասը դարձուցէ՛ք մեղրի եւ ընկոյզի տեսակով պատրաստութիւնները:

Այս մէկը կ’օգնէ, որ 2025 տարին դրական տրամադրութեամբ սկսիք:

2025 թուականի Ամանորի գիշերը յատկապէս կարեւոր է սեղանին դնել կլոր պտուղներ՝ նարինջ եւ մանտարին, ինչպէս նաեւ խնձոր, որոնք բարեկեցութիւն կը խորհրդանշեն:

Այս տօնին յարմար են բնական թէյերը, բուսական ըմպելիները եւ հանքային ջուրը: Եթէ կը փափաքիք ոգելից ըմպելիներ օգտագործել, նախընտրելի են թեթեւ գինիները, շամբանիան կամ պտուղներով պատրաստուած հիւթերը:

Սեղանի ձեւաւորումին մէջ պէտք է ներառէք կանաչ գոյնը, նաեւ ոսկեգոյնն ու արծաթագոյնը: Եթէ կարելիութիւն ունիք, տեղադրեցէք օձաձեւ մոմակալներ, որպէսզի յառաջիկայ տարին աւելի բարգաւաճ ըլլայ:

Կաղանդի ծառ մը շտկելու համար

Երկու բան պէտք է

Նախ ծառ մը – յետոյ զարդեր ծառին վրայ

Կաղանդի ծառ մը շտկելու համար

Երեք բան պէտք է

  – Ծառէն զարդէն զատ

Հաւատքը գալիք աղուոր օրերու

Կաղանդի ծառ մը շտկելու համար

Մէկ բան կը բաւէ – ոչ ծառ ոչ ալ զարդ –

Ատիկա խիճերն ադամանդ կարծող

Միամիտ հոգւոյս բարի խաբկանքն է

Կաղանդի ծառ մը շտկելու համար

Արդէն պատրանքը լրիւ կը բաւէ

Բարի տարի ձեզ եւ բարի պատրանք։