Սուրիոյ ելեւմտից նախարար Մուհամմէտ Ապազիտ Սէուտական Արաբիոյ պատուիրակութեան հետ քննարկեց երկու երկիրներու գործակցութեան միջոցները՝ ելեւմուտքի, դրամատնային եւ ելեկտրոնային վճարումներու ոլորտներուն մէջ, ինչպէս նաեւ ներդրումներու խթանումը թուային արհեստագիտութեան ոլորտին մէջ:
Իր կարգին, պատուիրակութեան նախագահը հաստատեց, որ սէուտական ընկերութիւնները պատրաստ են նպաստելու Սուրիոյ տնտեսութեան եւ ֆինանսական ոլորտներուն՝ ներդրումներու խթանման եւ սէուտեան փորձի ու գիտելիքներու փոխանցման միջոցներով։