Համազգայինի Երևանի գրասենեակի նախաձեռնութեամբ և Երևանի Պետական Համալսարանի (այսուհետեւ՝ ԵՊՀ), ՀԱԱ գրականութեան ճիւղի, ՀՊՄՀ-ի հետ համագործակցությամբ 28 Մարտին ԵՊՀ-ում տեղի ունեցան Նիկոլ Աղբալեանի 150-ամեակին նուիրուած լսումներ։
Ձեռնարկը բացուեցաւ ԵՊՀ Հայ բանասիրութեան համալսարանի դեկան, բ.գ.թ. դոցենտ Արշալոյս Գալստեանի խօսքով։ Ան նշեց, որ նման ձևաչափով աշխատաժողովը կը միտի քննարկումներու, հարց ու պատասխանի ճանապարհով անդրադառնալ մեծ մտաւորականին ու հասարակական-քաղաքական գործիչին՝ Նիկոլ Աղբալեանին։
Ներկաներուն ողջոյնի խօսք յղեց Համազգայինի Երևանի գրասենեակի տնօրեն Ռուզան Առաքելեանը՝ նշելով, որ ձեռնարկին նպատակն է ՝ երիտասարդ սերունդին համար նորովի բացայայտելու, ներկայացնելու Նիկոլ Աղբալեանի անձնուէր կերպարը՝ թէ որպէս կրթութեան մշակ և թէ որպէս ազգային նուիրեալ։ Ան անդրադարձաւ այն կրթական ծրագիրներուն ու բարեփոխումներուն, որոնք իրականացած էին Աղբալեանի օրոք և ուղղուած էին ազգի լուսաւորութեան ու կրթութեան։
Համազգայինի Կեդրոնական Վարչութեան անունով ողջոյնի խօսք ուղղեց ԿՎ-ի անդամ Արտաշէս Շահբազեան։
Աշխատաժողովին ելոյթներ ունեցան բ.գ.դոկտոր, փրոֆեսոր Դաւիթ Գասպարեան, բ.գ. դոկտոր, փրոֆեսոր Ժենեա Քալանթարեան, բ.գ. թ. դոցենտ Աշխէն Ջրբաշեան, բ գ.թ. դոցենտ Քնարիկ Աբրահամեան, Գրականութեան ճիւղի գիտաշխատող եւ բ.գ.թ. Արմէն Մանուկեան, բ.գ.թ. Լուսինէ Աւետիսեան։
Նիկոլ Աղբալեանի կերպարին ու գործունէութեան անդրադարձաւ ՀՀ ԱԺ ՀՅԴ պատգամաւոր Գեղամ Մանուկեան։
Աղբալեանի մասին իր տպաւորութիւնները յայտնեց նաև բ.գ.թ. դոցենտ Վարդան Պետրոսեան։
Ձեռնարկը ամբողջացաւ Նիկոլ Աղբալեանի կերպարին շուրջ զրոյցով ու քննարկումներով։
Համազգայինի Երևանի գրասենեակ