-Սուրիոյ պասքեթի Բ.  դասակարգի ախոյեանութեան առաջին փուլի մրցումներուն, ՀԵԸ-ի տղոց կազմը 90-58 արդիւնքով պարտութեան մատնեց Պննէշը:

-Սուրիոյ պասքեթի աղջկանց ախոյեանութեան մրցումներուն , ՀՄԸՄ-ի աղջկանց խումբը 67-76 արդիւնքով պարտութեան մատնուեցաւ Հուրիէի կազմէն եւ դուրս մնաց 2024-2025 տարեշրջանի մրցաշարքէն, բաւարարուելով միայն մէկ յաղթանակով:

-Սուրիոյ պասքեթի տղոց ախոյեանութեան մրցումին,  ՀՄԸՄ-ի տղաքը 61-57 արդիւնքով յաղթեցին Հուրիէին:

Խրուաթիոյ հաւաքականի եւ Սպանիոյ Ռէալ Մատրիտի կիսապաշտպան Լուքա Մոտրիչ Շաբաթ, 24 Մայիսին կատարեց իր վեջին հանդիպումը Սպանիոյ մայրաքաղաքի արքայական խումբին հետ եւ հրաժեշտ տալով հեռացաւ կազմէն: Մոտրիչ 2012-ին միացաւ Ռէալին եւ անոր հետ արժանացաւ 28 տիտղոսներու: 39-ամեայ մարզիկը խումբին հետ 3 անգամ տիրացաւ Սպանիոյ ախոյեանութեան, 2 անգամ Սպանիոյ բաժակին, 5 անգամ՝ Սպանիոյ Սուփըրի գաւաթին, 4 անգամ՝ Եւրոպայի Սուփըրի գաւաթին, 6 անգամ՝ Եւրոպայի Չեմփիընզ Լիկին  եւ 5 անգամ՝ համաշխարհային բաժակին։ Ռէալ Մատրիտին հետ խաղցած է 591 մրցում,  նշանակելով 43 կոլ եւ դարձած է 95 կոլի փոխանցման հեղինակ: 1 անգամ արժանացած է ոսկի գնդակի:

Իտալացի մարզիչ Գարլո Անչելոթի դարձեալ կատարեց իր վերջին մրցումը Սպանիոյ մայրաքաղաքի Ռէալ Մատրիտին հետ: Անչելոթի Ռէալին հետ արժանացած է բազմաթիւ տիտղոսներու եւ խումբին հետ բարձրացած է յաղթանակի ամպիոններ: Ան սպանական խումբը մարզած է երկու տարբեր շրջաններ, որոնցմէ առաջինը եղած է 2013-2015 տարեշրջանը, իսկ երկրորդը՝ 2021-էն մինչ օրս: Ան յաջողած է խումբին հետ տիրանալ Սպանիոյ ախոյեանութեան, Չեմփիընզ Լիկի, Սպանիոյ եւ Եւրոպայի Սուփըրի գաւաթներու, Սպանիոյ թագաւորի բաժակին եւ համաշխարհային ախոյեանութեան: