– Խոհարարութեան մէջ ազոխը  կը գործածուի որպէս թթու համեմ՝ մսեղէնով ուտեստներու, ապուրներու կամ աղցաններու մէջ։ Օրինակ՝ թթու ազոխը կը փոխարինէ կիտրոնն ու քացախը զանազան ճաշերու մէջ, ինչպէս՝ կուտատուկով (պամիայի), միսով ապուրի, տոլմայի, սարմայի մէջ եւ այլն։

– Ազոխի ջուրը կարելի է օգտագործել նաեւ ձմռան, ուստի պատրաստելէ ետք, պահել զայն ապակեայ շիշերու մէջ եւ տեղադրել սառնարան։

– Ազոխի ջուրը սիրտի եւ ստամոքսի համար առողջարար հեղուկ է։

– Ազոխի թթուն կը նպաստէ մարսողութեան, յատկապէս ծանր ուտեստներէ ետք։

– Կը պարունակէ բաղադրիչներ, որոնք կ’օգնեն մարմնին պայքարելու բջիջային վնասներու դէմ։

– Կ’օգտագործուի ժողովրդային ասոյթներու մէջ.  արեւմտահայերուն մօտ ազոխը կը գործածուի փոխաբերական իմաստով՝ ըսելով օրինակ. «Ազոխի պէս անփորձ է», ակնարկելով անփորձ մարդու։

Նախ երկու քիլո ազոխը լուալ ու մաքրել իր ճիւղերէն։ Այնուհետեւ տեղադրել կաթսայի մէջ ու եռացնել առանց ջուր աւելցնելու։ Եռալէն ետք ճզմել ձեռքով ու մաղէ անցընել։ Ետքը կրկին մանր մաղէ անցընել, վրայի փրփուրը հանել, աւելցնել մէկ ապուրի դգալ  խոշոր աղ ու պահել ապակեայ շիշերու մէջ։

Հիւթին աղ չաւելցնելու պարագային, կարելի է շաքար աւելցնել ու որպէս զովացուցիչ օշարակ խմել, ամռան տաք օրերուն։

Ամռան տաք օրերուն արեւի անդրմանիշակագոյն (UV) ճառագայթները կրնան վնասել մորթը, աչքերը եւ ընդհանուր առողջութիւնը։ Ուստի արեւէն պաշտպանուելու համար հետեւեալ միջոցներուն դիմեցէ՛ք.

– Արեւապաշտպան քսուկներ գործածեցէ՛ք, օրինակ՝ SPF 30 կամ աւելի բարձր պաշտպանիչ սերեր։

– Նորոգեցէ՛ք քսուկը երկու ժամը անգամ մը, յատկապէս՝ լողալէ կամ քրտնելէ ետք։

– Շուքի մէջ պատսպարուեցէ՛ք, խուսափեցէ՛ք արեւուն տակ երկար մնալէ, յատկապէս ժամը 11:00-15:00-ի միջեւ։

– Լայն եզրով գլխարկը կը պաշտպանէ դէմքը, վիզը եւ ականջները։

– Արեւէն պաշտպանող ակնոցները աչքերու խնամքին համար կարեւոր են։

– Թեթեւ, երկարաթեւ հագուստներ, յատկապէս բամպակեայ հիւսուածքով, կը պաշտպանեն մեր մորթը եւ զով կը պահեն զայն։

– Անհրաժեշտ է շատ ջուր խմել՝ ջրազրկումէ խուսափելու համար։

– Խուսափիլ ոգելից եւ կազային ըմպելիներէ, որոնք կը նպաստեն մարմինի ջրազրկման։

– Մանուկներ, տարեցներ եւ զգայուն մորթ ունեցողներ պէտք է աւելի զգոյշ ըլլան։

– Արեւապաշտպան միջոցները պէտք է գործածել նոյնիսկ ամպամած օրերուն, անդրմանիշակագոյն ճառագայթները կը թափանցեն ամպերէն։