«Արցախփրէս».- 4 Յունիսին, Արցախի Հանրապետութեան իշխանութիւններուն հետ ձեռք բերուած համաձայնագրին համաձայն, ԵԱՀԿ-ի առաքելութիւնը հրադադարի ռեժիմի ծրագրով Արցախի եւ Ատրպէյճանի զինուած ուժերու շփման գիծին վրայ Մարտունիի հարաւարեւելեան հատուածին մէջ դիտարկում կը կատարէ:
Արցախի Հանրապետութեան Պաշտպանութեան Բանակի դիրքերէն դիտարկում իրականացուցած են ԵԱՀԿ գործող նախագահի անձնական ներկայացուցիչի (ԳՆԱՆ) դաշտային օգնական Միխայիլ Օլարուն (Մոլտովա) եւ ԳՆԱՆ գրասենեակի աշխատակից Մարտին Շուստերը (Գերմանիա):
Շփման գիծին հակառակ կողմէն դիտարկումն իրականացուցած են ԵԱՀԿ գործող նախագահի
անձնական ներկայացուցիչ դեսպան Անժէյ Քասպրչիկը, անոր դաշտային օգնական Օգնէն Եովիչը
(Պոսնիա եւ Հերսեքովինա) եւ անձնական օգնական Սայմըն Թիլերը (Մեծն Բրիտանիա):
Դիտարկումը անցած է նախատեսուած ժամանակացոյցին
համաձայն, սակայն ատրպէյճանական կողմը ԵԱՀԿ առաքելութիւնը դուրս չէ բերած իր առաջապահ
դիրքերէն:
Դիտարկման առաքելութեան ընթացքին արցախեան կողմէն ուղեկցած են Արցախի Հանրապետութեան
Արտաքին Գործոց Նախարարութեան եւ Պաշտպանութեան Նախարարութեան ներկայացուցիչները: