«Արմէնփրէս».- ՀՀ Մարդու Իրաւունքներու Պաշտպան Արման Թաթոյեանին Վրաստանի գործընկերը` Նինօ Լոմճարիան, տեղեկացուցած է, որ Թիֆլիսի մէջ տեղի ունեցած իրադարձութիւններուն ընթացքին ձերբակալուած Հայաստանի քաղաքացի Մինաս Մինասեան ազատ արձակուած է․ ան որեւէ բողոք կամ այլ խնդիր չէ ներկայացուցած:
Մինաս Մինասեանի բանտարկութեան ընթացքին Մարդու Իրաւունքներու Պաշտպանի աշխատակազմէն մշտական կապի մէջ եղած են անոր մօտիկ ազգականներուն եւ ծնողքին հետ:
Վրաստանի գործընկերները առանձին վարոյթ կատարած են, այցելած են անոր ու անընդհատ կապի մէջ եղած են Հայաստանի Մարդու Իրաւունքներու Պաշտպանի աշխատակազմին հետ:
Արման Թաթոյեան շնորհակալութիւն յայտնած է Նինօ Լոմճարիային համագործակցութեան ու Հայաստանի քաղաքացիի իրաւունքներու երաշխաւորման ուղղութեամբ ցուցաբերած հետեւողականութեան համար: