«Երկիր».-Հայաստանի Հանրապետութեան Քննչական Կոմիտէի նախագահ Հայկ Գրիգորեան 8 Յուլիսին ընդունած է Արցախի Հանրապետութեան Քննչական Կոմիտէի նախագահ Իգոր Գրիգորեանը:
Հանդիպման ընթացքին ՀՀ Քննչական Կոմիտէի նախագահը շնորհաւորած է Իգոր Գրիգորեանը` Արցախի Հանրապետութեան Քննչական Կոմիտէի նախագահի պաշտօնին նշանակուելուն առիթով:
Իգոր Գրիգորեանն ալ իր կարգին շնորհաւորած է ՀՀ ՔԿ նախագահ Հայկ Գրիգորեանը` արդարադատութեան երրորդ դասի պետական խորհրդականի դասային աստիճան ստանալուն առիթով:
Հանդիպման ընթացքին քննարկուած են հայկական երկու հանրապետութիւններու համապատասխան կառոյցներու գործակցութեանն առնչուող տարբեր հարցեր:
ԱՀ ՔԿ նախագահը հանդիպումներ ունեցած է ՀՀ Քննչական Կոմիտէի առանձին ստորաբաժանումներու ղեկավարներուն հետ եւ քննարկած գործակցութեան առնչուող հարցեր:
Իգոր Գրիգորեան շրջագայած է Քննչական Կոմիտէի շէնքին մէջ, ծանօթանալով աշխատանքային պայմաններուն:
ՀՀ ՔԿ նախագահ Հայկ Գրիգորեան պատրաստակամութիւն յայտնած է աջակցելու Արցախի Հանրապետութեան նորաստեղծ քննչական մարմինի ձեւաւորման: