«Ասպարէզ».- ԱՄՆ Հայ Դատի Յանձնախումբը կը տեղեկացնէ, որ Ճուտի Չուի նախաձեռնութիւնը ամենայն հաւանականութեամբ կը դիտարկուի այս շաբաթ: ԱՄՆ Ներկայացուցիչներու պալատի ներքին կանոնակարգի յանձնաժողովը քուէարկած է ԱՄՆ Քոնկրեսի Ներկայացուցիչներու պալատի անդամ Ճուտի Չուի օրինագիծը: Առաջարկուած էր պաշտպանել Արցախի մասին Ռոյս-էնկելի առաջարկութիւնը:
ԱՄՆ Հայ Դատի Յանձնախումբի գործադիր տնօրէն Արամ Համբարեան ողջունած է քոնկրէսական լրացումը Ռոյս-էնգելի առաջարկին, որ կը նախատեսուի արցախա-ատրպէյճանական զօրքերու շփման գիծէն դիպուկահարներու հեռացում եւ ԵԱՀԿ դիտորդներու թուաքանակի յաւելում, նաեւ կ’առաջարկուի սահմանի հասակին տեղադրել յատուկ ռազմական սարք, որոնք կարելիութիւն կու տան որոշելու հրադադարի պայմանագիրը խախտող կողմը:
«Միացեալ Նահանգները պէտք է ամէնուր ըլլայ հայերու կողքին, Արցախի մէջ, ուր անմեղ ընտանիքները տակաւին Ատրպէյճանի կողմէն հրադադարի շարունակական եւ մահացու խախտումներու վտանգի տակ են», ըսած է Ճուն ԱՄՆ Հայ Դատի Յանձնախմբին, աւելցնելով. «Ողջամիտ պահանջները, ինչպիսիք են հրազէնի լոքաթորները, մոնիթորները եւ դիպուկահարներու կրակոցներու արգելքները, կը դժուարացնեն խախտումները չնկատելը, ուստի ես շատ ոգեւորուած եմ, որ այս պահանջը ներառուած է Ազգային պաշտպանութեան թոյլտուութեան համաձայն: Մենք կողմ ենք խաղաղութեան, եւ ես յոյս ունիմ, որ այս փոփոխութիւնը վերջնականապէս կ’ընդունուի, մենք կարենանք այնպիսի գործիքակազմ ստեղծել, որպէսզի խաղաղութիւնը ապահովուի»:
Նշուած է նաեւ, որ առաջին անգամ Ներկայացուցիչներու պալատի արտաքին յարաբերութիւններու կոմիտէի նախագահ Էտ Ռոյսի եւ ներկայիս նախագահ Էլիոթ Էնկելի կողմէ 2015-ի աշնան ներկայացուած Ռոյս-էնկելի առաջարկները ստացած են ԱՄՆ Ներկայացուցիչներու պալատի շուրջ 100 անդամի աջակցութիւնը: