Դաշնակցութեան Կարգախօսը. «Նոր Սկիզբ, Արդար Հայաստան»

0

Երէկ Դաշնակցութեան ներկայացուցիչները մամլոյ ասուլիսի մը ընթացքին լրագրողներուն ներկայացուցին «Նոր սկիզբ, արդար Հայաստան» Դաշնակցութեան Ազգային Ժողովի ընտրութիւններու մասնակցութեան կարգախօսը:

ՀՅԴ նախընտրական արշաւի պետ Աղուան Վարդանեան նշեց՝ արդար, որովհետև կուսակցութեան համար արդարութիւնը ամէն բանի հիմքն է եւ բարձրագոյն արժէք: «Արդար Հայաստանը ազատ Հայաստանն է: Արդար Հայաստանը զարգացող, ուժեղ, ինքնիշխան, բարեկեցիկ, երիտասարդ, իրաւունքի, հոգեւոր մշակոյթի Հայաստանն է », ըսաւ ան:

Յիշեցնենք, որ հրապարակուած են կուսակցութեան ցուցակի առաջին 30 անունները: Ցուցակը կը գլխաւորէ ՀՅԴ Բիւրոյի քաղաքական ներկայացուցիչ Արմէն Ռուստամեան:

Share.

About Author

Leave A Reply