Սուրիա Արեւելքի Տնտեսութեան Կեդրո՞նը

0

«Ռուսիա Այսօր».- Ռուսական Օպլասթ համալսարանի տնօրէն, տնտեսական փորձագէտ Մումթէզ Հասան հաստատեց, թէ հակառակ Սուրիոյ ահաբեկչական պատերազմի ենթարկուելուն, ան կը շարունակէ մնալ հզօր պետութիւն: Ըստ անոր, պատերազմի ամենավտանգաւոր հանգրուանը (2012 եւ 2013) յաղթահարուած է, ինչ որ նախագահ Պաշշար ալ Ասատ նշած էր չինական թերթին հետ ունեցած իր հանդիպման ընթացքին, իսկ Հալէպի եւ անոր յարակից գիւղերու վերականգնումը տնտեսութիւնը վերստին պիտի աշխուժացնէ: Փորձագէտին համաձայն Հալէպ Սուրիոյ տնտեսութեան մայրաքաղաքը կը հանդիսանայ, հետեւաբար սուրիական բանակի յառաջխաղացքը, գետնի վրայ Սուրիոյ արձանագրած յաղթանակն ու կարգ մը շրջաններու վերականգնումը մեծ ազդեցութիւն պիտի ունենան սուրիական թղթոսկիի արժէքին վրայ ու այս տուեալները մեզի պիտի վերադարձնեն 2012 թուական, երբ սուրիական բանակին հսկողութեան տակ առնուած շրջաններուն տարածքը կը համապատասխանէր ներկայ վիճակին, իսկ սուրիական թղթոսկիին արժէքը տոլարին դիմաց 200 ս.ո. էր:
Հասան կոչ ուղղեց սփիւռքի սուրիացիներուն վերադառնալու իրենց երկիրը, աշխուժացնելու արդիւնաբերական եւ առեւտրական կեանքը եւ նպաստելու Սուրիոյ վերականգնումին:
Փորձագէտը եզրափակելով ըսաւ. «Սուրիա պիտի դառնայ Արեւելքի տնտեսութեան կեդրոնը»:

Share.

About Author

Leave A Reply