Ռուստամեան. «Եօթը Կէտերը Ամբողջութեամբ Գործադրած Կ՛երթանք Այս Ընտրութիւններուն»

0

Նախընտրական քարոզարշաւի շրջագիծին մէջ ՀՅԴ ներկայացուցիչները երէկ հանդիպում ունեցան Երեւանի Մալաթիա-Սեբաստիա համայնքի բնակիչներուն հետ:

ՀՅԴ-ի համապետական ցուցակը գլխաւորող` ՀՅԴ Բիւրոյի քաղաքական ներկայացուցիչ Արմէն Ռուստամեան իր ելոյթին մէջ ըսաւ` իրենք ուրախ են, որ քարոզարշաւի ծիրին մէջ քաղաքական ուժերը յստակ կը խօսին եւ կէտեր կը ներկայացնեն: «Մարդիկ կ՛ուզեն յստակ խօսիլ եւ կէտեր կը ներկայացնեն, ուժերը իրենց նախընտրական ծրագիրները որոշակի քանակի կէտերով կը ներկայացնեն, կը հրապարակեն, մենք վստահաբար 30 կէտ չենք ներկայացուցած, 15 կէտ չենք ներկայացներ, մենք ընդամէնը եօթը կէտ ներկայացուցած ենք, բայց այդ եօթը կէտերը ամբողջութեամբ գործադրած կ՛երթանք այս ընտրութիւններուն: Այս 7 կէտերը ամբողջութեամբ փոխած են երկրին ընթացքը: Մենք այդ մասին խօսած էինք կանուխէն` ըսելով, որ այն բոլոր հարցերը, որոնք Հայաստանի մէջ գոյութիւն ունին, անոնց լուծումը այդ մեր առաջարկած եօթը կէտերով երկիրը փոխելու մէջ կը կայանայ», ըսաւ Ռուստամեան` աւելցնելով. «Մենք պարզ կը տեսնէինք եւ կը հասկնայինք, որ 1990-էն ի վեր Հայաստանը շեղեցաւ իր իսկ հռչակած անկախութեան ճամբէն, որովհետեւ երբ ժամանակին անկախութեան հռչակագիրը ընդունեցինք, անիկա շատ յստակ ճամբայ ցոյց կու տար, թէ ինչպէ՛ս պէտք է մեր անկախութիւնը զարգացնենք»:

Share.

About Author

Leave A Reply