Պելճիքան Թուրք Իմամներուն Մերժած Է Մուտքի Արտօնագիր Տրամադրել

0

Պելճիքայի իշխանութիւնները մերժած են երկարաժամկէտ մուտքի արտօնագիրներ տրամադրել 4  թուրք իմամներու, որոնք կ՛ուզէին աշխատիլ Պելճիքայի մէջ:

Թրքական «Հիւրրիյէթ Տէյլի Նիուզ» կայքը կը հաղորդէ, որ մուտքի արտօնագիրներու տրամադրումը մերժած է Պելճիքայի ապաստանի տրամադրման եւ ներգաղթի հարցերու պետական վարչութեան ղեկավար Թէօ Ֆրանքէնը:

Աղբիւրը կը մանրամասնէ, որ պաշտօնեան ընթացիկ տարուան մէջ հրաժարած է մուտքի արտօնագիր տրամադրել ընդհանուր առմամբ 12 թուրք իմամներու, որոնցմէ տասն բողոքարկած են որոշումը` պնդելով, որ իրենց կրօնական ազատութիւնը ոտնահարուած է:

Յայտնի է, որ Ֆրանքէն իբրեւ մուտքի արտօնագիրներու չտրամադրման պատճառ նշած է, որ իմամները կ՛ուզեն աշխատիլ Պելճիքայի իշխանութիւններուն կողմէ պաշտօնապէս չճանչցուած մզկիթներու մէջ:

Կը նշուի, որ Պելճիքայի մէջ կայ շուրջ 300 մզկիթներ, որոնցմէ միայն 82-ը ճանչցուած է պետութեան կողմէ:

Share.

About Author

Leave A Reply